თიბისი კაპიტალის მმართველი დირექტორი მერი ჩაჩანიძე Business Insider Georgia-სთან ამბობს, რომ მნიშვნელოვანია, საქართველო მწვანე ობლიგაციების მიმართულების განვითარების კუთხით, საერთაშორისო ინვესტორებისთვის რელევანტური დარჩეს, იმ ფონზე, როდესაც ამ ტიპის ობლიგაციებზე მსოფლიო კაპიტალის ბაზარზე მოთხოვნა მზარდია.
„თუ შევხედავთ საერთაშორისო ტენდენციებს, მწვანე ობლიგაციების ბაზრის კაპიტალიზაცია თითქმის ერთ ტრილიონ დოლარს აჭარბებს და იმისთვის, რომ საქართველო დარჩეს რელევანტური საერთაშორისო ინვესტორებისთვის მნიშვნელოვანია, რომ მეტი მწვანე ობლიგაციის მიწოდება განვახორციელოთ ბაზარზე.
ცნობადობა მნიშვნელოვნად იზრდება. თუ სამი წლის წინ არცერთი ობლიგაცია არ იყო, დღეს-დღეობით თიბისი კაპიტალის დახმარებით 5 მწვანე მდგრადობასთან დაკავშირებული ობლიგაციაა გამოშვებული.
ჩვენ საკმაოდ მნიშვნელოვანი როლი გვაქვს იმისთვის, რომ ცნობადობა ავწიოთ და კომპანიებს მივეხმაროთ ტრანსფორმაციის გზა გაიარონ როგორც ადგილობრივი, ისე საერთაშორისო კონსულტანტების დახმარებით“, - ამბობს მერი ჩაჩანიძე.
იგივე თემაზე:
უახლესი
