საქართველოში ნავთობპროდუქტების იმპორტი 3%-ითაა გაზრდილი. საქსტატის ინფორმაციით, 2023 წლის იანვარ-ოქტომბერში ქვეყანამ 928,634.11 ათასი დოლარის ღირებულების 1,141,455.67 ტონა ნავთობი და ნავთობპროდუქტები იყიდა, მაშინ როდესაც გასული წლის ანალოგიურ პერიოდში საქართველოში 1,111,300.76 ტონა ნავთობპროდუქტების იმპორტი დაფიქსირდა.
ქვეყანაში იმპორტირებული ნავთობპროდუქტების 62%-ი რუსეთზე მოდის. ნავთობი და ნავთობპროდუქტების იმპორტის კუთხით მეორე ადგილზეა რუმინეთი (13%), ხოლო მესამეზე აზერბაიჯანი (7%).
TOP-5 ქვეყანა, სადაც საქართველო ნავთობპროდუქტებს ყიდულობს:
2022 წელს საქართველომ 1,330,492.12 ტონა ნავთობპროდუქტების იმპორტი განახორციელა, 2021 წელს კი 1,272,215.79 ტონა. შესაბამისად იმპორტის ზრდამ 5%-მდე შეადგინა.
