რაც შეეხება უშუალოდ კომპენსაციებს, აქ უნდა აღინიშნოს, რომ უპრეცედენტოდ მაღალია ის შეთავაზება, რომელიც რესპუბლიკური საავადმყოფოს მედპერსონალმა მიიღო. ჩვენ, როგორც შრომის ინსპექცია, როგორც მაკონტროლებელი ორგანო და მშრომელთა უფლებების დამცველი, ამ პროცესში ჩართულები ვიქნებით, რათა თითოეული დასაქმებულის ინტერესი დაცული იყოს, - ამის შესახებ ბექა ფერაძემ განაცხადა.
შრომის ინსპექციის სამსახურის მთავარმა ინსპექტორმა აღნიშნა, რომ საავადმყოფოს შენობა ავარიულია.
„როგორც ფასადი, ასევე ზოგადად ძირითადი შენობა-ნაგებობა არის ავარიული. მათ შორის ფასადი არის მწვავე ავარიულ მდგომარეობაში და საჭიროებს მყისიერ ღონისძიების განხორციელებას, რათა საფრთხე არ შეექმნათ დასაქმებულებს, ნებისმიერ მესამე პირს. კიდევ ერთხელ ხაზს ვუსვამ, რომ სახელმწიფოს ინტერესი და პასუხისმგებლობა არის თითოეული ადამიანის სიცოცხლისა და უსაფრთხოების დაცვა. სწორედ ამიტომ მიიღო შესაბამისი გადაწყვეტილება ხელისუფლებამ და დაიწყო შესაბამისი პროცედურების განხორციელება“, - განაცხადა ფერაძემ.
ცნობილია, რომ მთავრობამ თბილისის რესპულიკური საავადმყოფოს დემონტაჟის გადაწყვეტილება მიიღო.
უახლესი
16 საათის წინ
რა ეტაპზეა „სელფის“ მიერ 5G ინტერნეტის დანერგვის პროცესი