როგორც წინა საშობაო პერიოდი, ასევე შობის დროს და ახალ წელს საქართველოდან ყველაზე დიდი მოთხოვნა ევროპის ქვეყნებში მოგზაურობაზეა, ამის შესახებ Business Insider Georgia-სთან ტურისტული კომპანია Go Tour-ის დამფუძნებელმა ნინო წიკლაურმა განაცხადა.
მისივე თქმით, წინასაახალწლო პერიოდში და ახალ წელს ევროპაში მოგზაურობაზე მოთხოვნა 20%-ითაა გაზრდილი.
„გასული წლების მსგავსად წელსაც საკმაოდ აქტუალურია ევროპის ქვეყნები. ჩვენი ტურისტული კომპანიის მაგალითზე აქტიურად იყიდება შემდეგი მიმართულებები: პრაღა, ვენა, პარიზი, გერმანიის სხვადასხვა ქალაქი, ბუდაპეშტი და რომი. გასულ წელთან შედარებით მოთხოვნა დაახლოებით 20%-ითაა გაზრდილი, ხოლო რაც შეეხება ფასებს ზრდა მნიშვნელოვანი არ არის. რეალურად ფასები დამოკიდებულია იმაზე, თუ ვინ როგორ იჭერს თადარიგს. თუ წინასწარ ხდება შეძენა ცხადია შედარებით იაფია“, - განმარტავს წიკლაური.
წიკლაურის თქმით, საახალწლოდ მოთხოვნა არის თბილ ქვეყნებზეც.
„ეგვიპტე, დუბაი, აბუ დაბი - საკმაოდ გაყიდვადია. ახალი წლის შესახვედრად მოთხოვნაა გაზრდილი ასევე ეგზოტიკურ ქვეყნებზე. ტაილანდი, ბალი - საახალწლოდ პოპულარულია“, - აცხადებს Go Tour-ის დამფუძნებელი.
ნინო წიკლაური ამბობს, რომ გაყიდულ ევროპულ ტურებში მოგზაურობის ძირითადი ნაწილი ქუთაისის საერთაშორისო აეროპორტზე მოდის, თუმცა საკმაოდ გაიზარდა თბილისის საერთაშორისო აეროპორტიდან ევროპაში ტრანზიტულ ფრენებზე მოთხოვნა.
უახლესი
15 საათის წინ
„ედის დაჩა“ გაფართოებას გეგმავს16 საათის წინ
ლარის კურსი დოლართან მიმართებაში გამყარდა
