2024 წლის იანვარში ტოპ-5 იმპორტრებული პროდუქტი იყო მანქანები (-48.1% წ/წ), ნავთობი (-2.6% წ/წ), გაზი (-26.4% წ/წ), მედიკამენტები (+159.9% წ/წ) და ტელეფონები (+17.9% წ/წ). ამის შესახებ Galt & Taggart-ის კვირის მიმოხილვაშია ნათქვამი.
საქსტატის მონაცემებით, 2024 წლის იანვარში საქონლის ექსპორტი წლიურად 26.2%-ით შემცირდა და 338.6 მლნ აშშ დოლარი შეადგინა, წინა თვის 7.5%-იანი შემცირების შემდეგ.
აღნიშნული კლება გასული წლის მაღალი ბაზით იხსნება. ასევე, იმპორტიც წლიურად 10.1%-ით შემცირდა 1.0 მლრდ აშშ დოლარამდე, წინა თვეში დაფიქსირებული 10.6%- იანი კლების შემდეგ. შედეგად, სავაჭრო დეფიციტი წლიურად 1.2%-ით გაიზარდა და 664.1 მლნ აშშ დოლარი შეადგინა იანვარში.
2024 წლის იანვარში მანქანები (+7.4% წ/წ), ფეროშენადნობები (-61.8% წ/წ), ღვინო (+13.6% წ/წ), ძვირფასი ლითონები (+611.6% წ/წ) და სპირტი (+1.8% წ/წ) იყო ტოპ-5 ექსპორტირებული საქონელი. ამასთან, ექსპორტის 10.8% ევროკავშირზე მოდიოდა (-50.4% წ/წ), 66.1% დსთ-ზე (-19.2% წ/წ) და 23.1% სხვა ქვეყნებზე (-23.1% წ/წ).
