Business Insider Georgia და ეკონომიკური ფორუმი, სახელმწიფო და კერძო სექტორთან თანამშრომლობის ფარგლებში მსმენელთა პირველ ნაკადს მასპინძლობს თბილისის საჯარო მენეჯმენტის სკოლის (Tbilisi School of Public Management) სასერტიფიკატო კურსზე. თბილისის საჯარო მენეჯმენტის სკოლა საქართველოს პარლამენტის თავმჯდომარის მხარდაჭერით ხორციელდება.
კურსის ფარგლებში მორიგი შეხვედრა საქართველოს ბიზნეს ასოციაციის და „ვისოლ ჯგუფის“ პრეზიდენტმა სოსო ფხაკაძემ გამართა.
დისკუსიის თემა ,,ბიზნესი და სახელმწიფო | ეფექტური კომუნიკაცია და გადაწყვეტილების მიღების პროცესი“ იყო. შეხვედრას საქართველოს ბიზნეს ასოციაციამ უმასპინძლა.
დისკუსიას მოდერაციას უწევდა Business Insider Georgia-ს და Economic Forum-ის დამფუძნებელი გიორგი აბაშიშვილი.
სასწავლო კურსიის მიზანია, საჯარო მოხელეთა პროფესიული განვითარების ხელშეწყობა და საჯაროდა კერძო სექტორებს შორის კომუნიკაციის გაუმჯობესება ცოდნისა და გამოცდილების გაზიარებით.
კურსი სრულიად ინოვაციურია და მის ფარგლებში თითოეული თემის გარშემო ცოდნისა დაგამოცდილების მიღება, გაზიარება, განხილვა ხდება მხოლოდ პრაქტიკული, რეალური მაგალითების გარშემო და მხოლოდ პანელური განხილვის ფორმატში - თემის მთავარი წარმდგენის (ან წარმდგენები) და მოდერატორის ჩართულობით. კურსი მოიცავს ექვს თემას და თითოეული თემის განხილვაში მონაწილეობას მიიღეებენ სახელმწიფოს მაღალი რანგის თანამდებობის პირები და კერძო სექტორის წამყვანი კომპანიების ცნობილი ბიზნეს ლიდერები: რეფორმები, ბიზნესი და პარლამენტი, ბიზნესი და სახელმწიფო - ეფექტური კომუნიკაცია და გადაწყვეტილების მიღების პროცესი, ინვესტიციები, ტექნოლოგიები და საერთაშორისო როლი, სექტორული რეფორმები - ბიზნესისა და სახელმწიფოს თანამშრომლობა, საფინანსო სექტორის მდგრადობა: კოორდინაცია კერძო და სახელმწიფო სექტორს შორის გეოპოლიტიკა, სახელმწიფოს საერთაშორისო როლი და ბიზნესი.
მიმდინარე კურსის ფარგლებში მონაწილეობას იღებს სხვადასხვა სახელმწიფო უწყებების 20 წარმომადგენელი.
უახლესი
