საქართველოდან ყაზახეთში განხორციელებული ექსპორტის 87% მსუბუქ ავტომობილებზე მოდის

ყაზახეთში ექსპორტი 22%-ითაა გაზრდილი, ხოლო იმპორტი 88%-ით. საქსტატის ინფორმაციით, 2024 წელს საქართველომ ყაზახეთში 859,946.01 ათასი დოლარის ღირებულებს პროდუქცია გაყიდა, 2023 წელს კი 703,175.26 ათასი დოლარის. ზრდა 22.3%-ის დონეზეა. საქართველოდან ყაზახეთში ნომერ პირველი საექსპორტო პროდუქტი მსუბუქი ავტომობილებია, რომელზედაც ექსპორტის 87% მოდის.

TOP 5 პროდუქტი, რასაც საქართველო ყაზახეთში ყიდის:

• მსუბუქი ავტომობილები - 751,033.69 ათასი დოლარი;
• მინერალური და მტკნარი წყლები - 30,089.87 ათასი დოლარი;
• წყლები, მინერალურისა და დაგაზიანებულის ჩათვლით, შაქრის დანამატების შემცველობით - 16,837.95 ათასი დოლარი;
• მაცივრები, საყინულეები და სხვა სამაცივრო ან საყინულე მოწყობილობები - 12,125.38 ათასი დოლარი;
• ყურძნის ნატურალური ღვინოები - 10,678.34  ათასი დოლარი;

რაც შეეხება იმპორტს, ზრდა 88,3%-ია. 2024 წელს საქართველოში ყაზახეთიდან 62,069.82 ათასი დოლარის პროდუქცია შემოვიდა, 2023 წელს კი 32,956.79 ათასი დოლარის. 2024 წლის სტატიკური მაჩვენებლებით ყაზახეთიდან ნომერ პირველი საიმპორტო პროდუქტი ნავთობი და ნავთობპროდუქტებია.

TOP 5 პროდუქტი, რასაც საქართველო ყაზახეთიდან ყიდულობს:

• ნავთობი და ნავთობპროდუქტები - 11,033.10 ათასი დოლარი;
• ნაწარმი შავი ლითონებისაგან, გამოსაყენებელი სარკინიგზო და ტრამვაის ლიანდაგებისათვის - 5,417.92  ათასი დოლარი;
• საშუალებები თმებისათვის - 3,982.64 ათასი დოლარი;
• საფრენი აპარატები სხვა - 3,700.00 ათასი დოლარი;
• ხახვი თავიანი, ხახვი-შალოტი, პრასი, ნიორი და სხვა ხახვისმაგვარი ბოსტნეული - 2,872.70 ათასი დოლარი;