საქართველოს ბაზარზე სადებეტო ბარათების მხრივ უპირობო ლიდერი კვლავ Mastercard-ია. სებ-ის მონაცემების თანახმად, 2023 წლის ბოლოსთვის არსებული საგადახდო სადებეტო ბარათებიდან 4,200,084 ერთეული სწორედ Mastercard-ზე მოდის. მიმდინარე მაჩვენებლები კი ნოემბრის მაჩვენებლებთან შედარებით 0,4%-იან ზრდას აჩვენებს, ხოლო 2022 წლის დეკემბერთან შედარებით 6%-იან ზრდას.
დეკემბრის მდგომარეობით აქტიური სადებეტო ბარათებიდან 51%-ს Mastercard-ი ფლობს, ხოლო 31%-ს VISA.
2023 წლის დეკემბრის ბოლოსთვის მიმოქცევაში VISA-ს აქტიური 2,550,866 ბარათი იყო. ზრდა წინა თვესთან შედარებით 1%-ია, ხოლო 2022 წლის დეკემბერთან შედარებით 13%-იანი ზრდაა.
არსებული სტატისტიკური მაჩვენებლების თანახმად, ბაზრის 18%-ის კი სხვადასხვა სახის სადებეტო ბარათებზე მოდის.
ქვეყანაში ერთი წლის განმავლობაში სადებეტო ბარათების რაოდენობა 14%-იან ზრდას აჩვენებს. 2023 წლის დეკემბრის ბოლოსთვის მთლიანობაში საუბარია მიმოქცევაში არსებულ სულ 8,258,081 ერთეულ ბარათზე.
უახლესი
