რა დარგები შეიძლება გახდეს საქართველოში UAE-ს ინვესტორების სამიზნე - დავით ცირდავა

ბიზნესი

17-03-2023 13:30:24

უძრავი ქონება, სოფლის მეურნეობა, განახლებადი ენერგია, - Busieness Insider Georgia-თან აზიისა და სპარსეთის ყურის ქვეყნების ბიზნესპალატის პირველმა ვიცე-პრეზიდენტმა დავით ცირდავამ ის სამი სეგმენტი დაასახელა, რომელიც არაბეთის გაერთიანებული საამიროებიდან ინვესტორებს საქართველოში ყველაზე მეტად აინტერესებთ.

სავაჭრო შეთანხმება UAE-ს 10-მილიონიანი ბაზრისკენ ქართველ მეწარმეებს გზას გაუხსნის - ლევან დავითაშვილი

„23 სხვადასხვა პროფილის კომპანია მონაწილეობს არაბთა გაერთიანებული საამიროებიდან ბიზნესფორუმში, რომელიც თბილისში მიმდინარეობს. ფაქტობრივად, ეს კარგი შესაძლებლობაა, რომ ქართულმა კომპანიებმა პირდაპირი კავშირი დამყარონ და ახალ ბაზარზე მათთვის სასურველი პარტნიორი იპოვონ და შეძლონ თავიანთი პროდუქციის გატანა. ინტერესია სოფლის მეურნეობის მიმართულებით. ასევე ინვესტორებს აინტერესებთ უძრავი ქონება და განახლებადი ენერგია“, - აღნიშნავს ცირდავა.

გასულ წელს არაბთა გაერთიანებულ ემირატებთან სავიზო რეჟიმი გაუქმდა. საქართველოს მთავრობა ასევე აქტიურ რეჟიმში მუშაობს საამიროებთან თავისუფალი ვაჭრობის ხელშეკრულებაზე.

„ამ შეთანხმების რატიფიცირების შემდეგ, მოსალოდნელია, რომ ამ ქვეყანაში საქართველოდან ექსპორტი გაორმაგდება“, - ამბობს აზიისა და სპარსეთის ყურის ქვეყნების ბიზნესპალატის წარმომადგენელი.

მისივე ინფორმაციით, ფორუმზე არაბთა გაერთიანებული საამიროებიდან სოლიდური კომპანიები არიან წარმოდგენილი.

თბილისში მიმდინარე ბიზნესფორუმს ესწრებიან Elite Agro Holding LLC - სი ( სოფლის მეურნეობა). DP World -ი (ლოგისტიკა პორტები ვაჭრობა), Agri of Yas Holding LLC-სი, (სოფლის მეურნეობა, ავიაცია, ვაჭრობა), LuLU Group International- ი (უძრავი ქონება, ვაჭრობა). Dhabi Contracting - ი (მშენებლობა, უძრავი ქონება).

შეგახსენებთ, რომ საქართველო-არაბთა გაერთიანებული საამიროების ბიზნესფორუმი თბილისში დღეს გაიხსნა. ფორუმს ესწრება ასევე არაბთა გაერთიანებული საამიროების საგარეო ვაჭრობის საკითხებში სახელმწიფო მინისტრი თანი ბინ აჰმედ ალ ზეიუდი

2022 წელს არაბთა გაერთიანებულ საამიროებში საქართველოდან $31,091.1 ათასის პროდუქცია გავიდა.

მათ შორის:

მსუბუქი ავტომობილები ღირებულება - $11,187.1 ათასი;
ნაქსოვი ხალიჩები და იატაკის სხვა საფეიქრო საფარები $2,100.6 ათასი;
ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - $1,896.4 ათასი;
ცხვრები და თხები ცოცხალი - ღირებულება $1,494.8 ათასი;
ტრაქტორების, მსუბუქი, სატვირთო და სპეციალური დანიშნულების ავტომობილების ნაწილები და მოწყობილობები - $ 1,167.6 ათასი;
ოქრო დაუმუშავებელი ან ნახევრადდამუშავებული, ან ფხვნილის სახით - $1,121.0 ათასი;
ყავის, ჩაის ან მატეს ექსტრაქტები, ესენციები და კონცენტრატები - $1,053.1 ათასი;
ცენტრიფუგები; აგრეგატები სითხის ან აირის საფილტრავი ან გასაწმენდი - $ 844.9 ათასი;
ხორცი ცხვრის ან თხის, ახალი, გაცივებული ან გაყინული - $810.2 ათასი;
ყურძნის ნატურალური ღვინოები - $563.4 ათასი;
დანარჩენი საქონელი - $8,852.1 ათასი;

2022 წელს არაბთა გაერთიანებულ საამიროებიდან საქართველოში $282,128.5 ათასის ღირებულების პროდუქცია შემოვიდა.

მათ შორის:

სატელეფონო აპარატები, ფიჭური ქსელებისთვის ან სხვა უსადენო ქსელებისთვის განკუთვნილი ტელეფონების ჩათვლით ღირებულება -$155,208.3 ათასი;
სიგარები, სიგარილები და სიგარეტები თამბაქოს ან მისი შემცვლელებისაგან - $20,248.7 ათასი;
გამომთვლელი მანქანები და მათი ბლოკები $12,061.6 ათასი;
მსუბუქი ავტომობილები - $10,548.8 ათასი; ავტომანქანების ნაწილები, ექსპლუატაციაში ნამყოფი $5,690.5 ათასი;
მიკროფონები ხმამაღლამოლაპარაკეები და სხვა -$ 5,022.9 ათასი; ტრაქტორების, მსუბუქი, სატვირთო და სპეციალური დანიშნულების ავტომობილების ნაწილები და მოწყობილობები -$4,876.9 ათასი;
შიგაწვის ძრავები დგუშიანი შეკუმშვით აალებადი (დიზელები ან ნახევრადდიზელები)- $4,008.6 8528 ათასი;
აპარატურა მიმღები სატელევიზიო კავშირისათვის $2,540.0 9504 ათასი;
საქონელი ატრაქციონებისათვის, სამაგიდო ან ოთახის თამაშობანი $2,005.6 ათასი;
დანარჩენი საქონელი -$ 59,916.5 ათასი;