სებ-ის მონაცემების მიხედვით, მიმოქცევაში არსებული საგადახდო სადებეტო ბარათების რაოდენობა (ერთეული) ერთი წლის განმავლობაში 9%-ით გაიზარდა, ხოლო წინა თვის მონაცემებთან შედარებით კი 1%-ით შემცირდა.
2024 წლის დეკემბრის ბოლოსთვის ბაზარზე აქტიური 9 003 952 ერთეული სადებეტო ბარათი იყო, მაშინ როდესაც ერთი წლით ადრე მათ რაოდენობა 8 258 081 ბარათს შეადგენდა.
საქართველოში სადებეტო ბარათების მხრივ კვლავ Mastercard-ი ლიდერობს. 2024 წლის დეკემბრის ბოლოსთვის არსებული საგადახდო სადებეტო ბარათებიდან 4 649 504 ერთეული სწორედ Mastercard-ზე მოდის.
Mastercard-ის ბარათების მიმდინარე მონაცემები კი ნოემბრის მაჩვენებლებთან მაჩვენებლებთან შედარებით 1%-იან, ხოლო 2023 წლის დეკემბერთან შედარებით 11%-იან ზრდას აჩვენებს..
დეკემბრის სტატისტიკის მიხედვით, აქტიური სადებეტო ბარათებიდან 52%-ს Mastercard-ი ფლობს, 29%-ს VISA, AMEX კი 15%-ის მფლობელია.
2024 წლის დეკემბრის ბოლოსთვის მიმოქცევაში VISA-ს აქტიური 2 621 466 ბარათი იყო. კლება წინა თვესთან შედარებით 3%-ია, ხოლო 2023 წლის დეკემბერთან შედარებით 3%-ითაა გაზრდილი.
რაც შეეხება AMEX-ს, დეკემბრისთვის მისი სადებეტო ბარათების რაოდენობა 1 310 384 ერთეული იყო, რაც თვიურ ჭრილში 2%-იან ზრდას, ხოლო წლიურ ჭრილში 27%-იანი ზრდაა.
უახლესი
7 საათის წინ
„ედის დაჩა“ გაფართოებას გეგმავს8 საათის წინ
ლარის კურსი დოლართან მიმართებაში გამყარდა
