იაპონია მსოფლიოში პირველ ხის თანამგზავრს გაუშვებს

კიოტოს უნივერსიტეტის იაპონელმა მეცნიერებმა შექმნეს მსოფლიოში პირველი ხის კოსმოსური თანამგზავრი LignoSat.

The Guardian-ის ცნობით, LignoSat დამზადებულია მაგნოლიის ხისგან, რომელმაც აჩვენა საუკეთესო შედეგები სტაბილურობისა და ბზარებისადმი გამძლეობის თვალსაზრისით საერთაშორისო კოსმოსური სადგურის ბორტზე ჩატარებული ერთწლიანი ტესტების დროს.

შემქმნელების თქმით, ხის ზონდმა ორი პრობლემა უნდა გადაჭრას - რესურსების დაზოგვა და გარემოზე ზემოქმედების შემცირება.

„დედამიწის ატმოსფეროში დაბრუნებისას ყველა თანამგზავრი იწვის და ქმნის ალუმინის ოქსიდის პაწაწინა ნაწილაკებს, რომლებიც მრავალი წლის განმავლობაში ცურავს ზედა ატმოსფეროში. ეს საბოლოოდ იმოქმედებს დედამიწის გარემოზე“, - ამბობს იაპონელი ასტრონავტი და კოსმოსური ინჟინერი კიოტოდან ტაკო დოი. 

LignoSat ორბიტაზე გაშვებული იქნება 2024 წლის ზაფხულში. 

ზონდის შემქმნელები იმედოვნებენ, რომ ხის თანამგზავრი დედამიწის მახლობლად სივრცეში მინიმუმ ექვს თვეს გაატარებს.