ევროკავშირი 2023 წელს რუსული გაზის იმპორტის შემცირებას 40-45 მილიარდ კუბურ მეტრამდე გეგმავს, რაც რუსეთზე ენერგო დამოკიდებულების შემცირების გეგმის ნაწილია.
როგორც ევროკავშირი-აშშ-ის ენერგეტიკული უსაფრთხოების სამუშაო ჯგუფის შეხვედრის შემდეგ გაჟღერდა, ევროკავშირმა რადიკალურად შეამცირა დამოკიდებულება რუსულ წიაღისეულ საწვავზე, კერძოდ ნახშირის იმპორტის ეტაპობრივი შეწყვეტით, ნავთობის იმპორტის 90%-ით შემცირებით და გაზის იმპორტის შემცირებით. სავარაუდოა, რომ 2023 წელს რუსეთიდან ევროკავშირში გაზის იმპორტი 40–45 მილიარდ კუბ/მ-მდე შემცირდება.
2021 წლის სტატისტიკა 155 მლრდ კუბ/მ აირი იყო, ხოლო 2022 წელს იმპორტმა 80 მორდ კუბ/მ შეადგინა.
იმავდროულად ევროკავშირმა სუფთა ენერგიაზე გადასვლის დასაჩქარებლად, მიწოდების დივერსიფიკაციისა და ენერგიის დაზოგვის მიზნით გარკვეული ზომები მიიღო.
ევროკავშირი-აშშ-ის ენერგეტიკული უსაფრთხოების სამუშაო ჯგუფის შეხვედრაზე საუბარი შეეხო ევროპაში ბუნებრივი გაზის მიწოდების წყაროების დივერსიფიკაციას და შეერთებულ შტატებსა და ევროპას შორის თხევადი ბუნებრივი აირით მზარდ ვაჭრობას.
აღსანიშნავია, რომ აშშ ევროპისთვის LNG-ის ყველაზე დიდი მიმწოდებელია.
უახლესი
