დიდთოვლობის გამო მატარებლებს შესაძლოა, ჰქონდეთ შეფერხებები - საქართველოს რკინიგზა

დასავლეთ საქართველოში არსებული უამინდობის გამო საქართველოს რკინიგზა მგზავრებს აფრთხილებს. 

"დასავლეთ საქართველოში არსებული უამინდობისა და დიდთოვლობის გამო, მაგისტრალური მიმართულებით მოძრავ მატარებლებს შესაძლოა ჰქონდეთ შეფერხებები. აქვე უნდა აღვნიშნოთ, რომ მცირე დაგვიანებები საქართველოს რკინიგზისგან დამოუკიდებელი მიზეზების გამო ხდება. Გაუთვალისწინებელი გარემოებებისა და მგზავრთა შესაძლო დისკომფორტის თავიდან აცილების მიზნით, კომპანია მზად არის დაგეგმილ რეისებზე დაიბრუნოს რეალიზებული ბილეთები და სრულად აანაზღაუროს მათი საფასური" - ნათქვამია განცხადებაში.