დაზღვევის რომელ სახეობაში მოიზიდა სადაზღვევო ბიზნესმა ყველაზე მეტი პრემია

2024 წელს სადაზღვევო სექტორმა ყველაზე მეტი პრემია სამედიცინო დაზღვევის სეგმენტში მოიზიდა, სულ 533.8 მლნ ლარი. აღნიშნული მაჩვენებლები კი 19,4%-ით მეტია 2023 წლის მაჩვენებლებზე, რა დროსაც სექტორმა სამედიცინო დაზღვევის კუთხით 446.87 მლნ ლარის პრემია მოიზიდა.

მოზიდული პრემიის მაჩვენებლებით დაზღვევის სახეობებს შორის მეორე ადგილზეა სახმელეთო სატრანსპორტო საშუალებათა დაზღვევა (გარდა სარკინიგზო ტრანსპორტისა). დაზღვევის ამ კონკრეტულ სახეობაში სექტორმა 2024 წელს 256.3 მლნ ლარის მოზიდვა მოახერხა, 2023 წლის მაჩვენებელი კი 205.08 მლნ ლარი იყო, შესაბამისად ზრდა 25%-მდეა

2024 წელს სადაზღვევო სექტორმა ქონების დაზღვევის კუთხით 132.3 მლნ ლარის პრემია მოიზიდა, რაც 2023 წელს ამ სეგმენტში მოზიდული პრემიის ჯამთან 4,8%-იანი მატებაა. 2023 წლის მაჩვენებლებით სადაზღვევო ბიზნესმა ქონების დაზღვევის კუთხით 126.29 მლნ ლარის მოზიდვა მოახერხა.

სიცოცხლის დაზღვევის კუთხით 2024 წელს მოზიდულმა პრემიამ 109.1 მლნ ლარი შეადგინა, 2023 წელს კი 89.59 მლნ ლარი, შესაბამისად ზრდა 21.7%-ია.

დაზღვევის სახელმწიფო ზედამხედველობის სამსახურის მონაცემებით, 2024 წელს სადაზღვევო სექტორის მიერ მოზიდული პრემია პირდაპირი დაზღვევის საქმიანობიდან იყო 1,259 მლნ ლარი, ხოლო 2023 წელს კი 1,064 მლნ ლარი.