G&M Shovi-Racha Resorts-ის ადმინისტრაცია, შოვში სტიქიის შედეგად განვითარებულ მოვლენებს Facebook-ზე ეხმაურება. სასტუმრო 3 აგვისტოს სტიქიის ეპიცენტრში აღმოჩნდა.
„პირველ რიგში დიდი მადლობა კიდევ ერთხელ თითოეულ თქვენგანს გვერდში დგომისთვის, ადამიანები ვაძლიერებთ ერთმანეთს ასეთ დროს.
ჩვენი სასტუმრო ამ ეტაპზე აქტიურადაა ჩართული სამაშველო პროცესში, გმირი მაშველები თავდაუზოგავად შრომობენ რომ დროულად მოხდეს ყველა დაკარგულის პოვნა.
თქვენი თითოეულის თანადგომა და კეთილი სურვილი გვაძლებინებს ამ ყველაფრის შემხედვარეს, მადლობა ადამიანებო ადამიანობისთვის“, - ნათქვამია Facebook-ში გამოქვეყნებულ ინფორმაციაში.
საქართველოს პრემიერ-მინისტრის გადაწყვეტილებით, 3 აგვისტოს, ონის მუნიციპალიტეტში, კურორტ შოვში მომხდარი სტიქიური უბედურების შედეგად დაღუპულთა ხსოვნის პატივსაცემად 7 აგვისტო გლოვის დღედ გამოცხადდა.
ბოლო მონაცემებით, 3 აგვისტოს სტიქიის შედეგად 18 გარდაცვლილია, მათგან 14-ის ცხედარი იდენტიფიცირებულია, მაშველები 16 დაკარგულს უწყვეტ რეჟიმში ეძებენ.
უახლესი
5 საათის წინ
თიბისი ბიზნესი განაგრძობს ბიზნეს განათლების სერიებს6 საათის წინ
ფეროშენადნობების ექსპორტი 102%-ითაა გაზრდილი
