ამერიკული IT კომპანიის Lineate-ს ბიზნესის განვითარების მენეჯერი თორნიკე სულაბერიძე Business Insider Georgia-სთან კომპანიის საქმიანობასა და IT სექტორის განვითარების ტენდენციას აფასებს. მან „სხვა ინტერვიუს“ ფორმატში დასმულ კითხვებს უპასუხა.
ლინეიტი 2022 წელს შემოვიდა საქართველოში და შემოსვლისთანავე აქტიურად ვმუშაობთ ტექ-ეკოსისტემის განვითარების კუთხით. ამ მიმართულებით ჩვენ რამდენიმე პროექტი განვახორციელეთ, იმ გამოწვევებიდან გამომდინარე რომლის წინაშეც იმ მომენტში იდგა იმ მომენტში ჩვენი ქვეყანა და ტექ-ეკოსისტემა.
ჩვენ ვართ ერთ-ერთი პირველი კომპანია ტექ-მიმართულებით, რომელმაც დააარსა სტიპენდიები, წარმატებული სტუდენტებისთვის, ორ წამყვან ტექნოლოგიურ უნივერსიტეტში. ეს არის ქუთაისის ტექნოლოგიური უნივერსიტეტი და თავისუფალი უნივერსიტეტი. ამ მიმართულებით უკვე გვყავს 4 სტიპენდიატი, რომელიც განაგრძობს სწავლას უნივერსიტეტში. ასევე იყენებს იმ მექანიზმებს, რომელსაც მათ ჩვენი კომპანია სთავაზობს: ეს იქნება სტაჟირება, გადამზადების პროგრამები თუ სამომავლო დასაქმება.
რაც შეეხება სხვა მიმართულებას, ჩვენ ვთანამშრომლობთ USAID-თან და მოხარულები ვართ, რომ წელსაც ვიქნებით გრეის ჰოპერის დაჯილდოების მხარდამჭერები. აღნიშნული დაჯილდოება ახალისებს გოგონების მონაწილეობას ტექ-სექტორში და ზოგადად ჩვენი კომპანიის მიზანია, რომ დაანგრიოს სტერეოტიპი, რომ IT არის მხოლოდ კაცების პროფესია.
არის ასეთი სტატისტიკა?
რამხოლოდ საქართველოში, არამედ, უცხოეთშიც მხოლოდ 30%-მდეა ქალი დეველოპერი და თუ ჩავიხედავთ კომპანიების მენეჯმენტის სტატისტიკაში, ეს მონაცემი 15%-მდეა. რაც შეეხება საქართველოს, აქაც მსგავსი სურათია და ამიტომაც ჩვენ ვთანამშრომლობთ USAID-თან და სხვა პარტნიორებთან, რომ ეს სტერეოტიპები დავანგრიოთ და უფრო მეტი ქალი იყოს ტექ-სექტორში.
ასევე ჩვენ აქტიურად ვთანამშრომლობთ საქართველოს საელჩოსთან, რომელსაც აქვს ე.წ. ამერიკული კუთხეები და ერთ-ერთთან მჭიდრო თანამშრომლობა გვაკავშირებს. ეს კუთხე მდებარეობს ე.წ. საზღვრისპირა სოფელში, სადაც არის ოძისის საჯარო სკოლა. როდესაც ჩვენ იქ ჩავედით დავინახეთ, რომ იქ არა მხოლოდ ტექნიკური საჭიროებებია, არამედ ასევე ინტელექტუალური და შემდგომ მათ ტექნიკური დონაცია გავუწიეთ ლეპტოპების სახით, ასევე აქტიურად ვთანამშრომლობ მათთან და როდესაც ჩვენი ამერიკული მენეჯმენტი ჩამოდის ქალაქში, ყოველთვის ვცდილობთ წავიყვანოთ და მოტივაციური და ინსპირაციული შეხვედრები მოვაწყოთ ბავშვებთან.
სამწუხაროდ, ყოველ წელს მცირდება იმ ადამიანების რაოდენობა, ვინც იმ სკოლაში სწავლობს. ჩვენი მიზანია, მათ ვაჩვენოთ, რომ არ არის აუცილებელი თბილისში წამოსვლა, არამედ მათ თავისი სოფლიდანაც შეუძლიათ წარმატებულები გახდნენ.
ონლაინ სწავლებას გულისხმობთ?
ონლაინ სწავლებასა და ასევე დასაქმებას. მათ შეუძლიათ IT მიმართულებით გახდნენ პროფესიონალები და შემდგომ იმუშაონ ოძისიდან და არ გახდნენ იძულებული ქვეყანა დატოვონ ან დაბრუნდნენ თბილისში. კიდევ ერთი მიმართულებაა Dev School-ი. ეს არის ინოვაციური გადამზადების პროგრამა, რომელიც საქართველოში პირველად 2023 წელს განვახორციელეთ.
ჩვენი კომპანია უკვე 20 წელია წარმატებით მოღვაწეობს ტექ-ბაზარზე. ჩვენი მთავარი ოფისია ამერიკაში და ჩვენი მთავარი კლიენტები არიან ამერიკული კომპანიები. ეს იდეაც ჩვენი ამერიკული მენეჯმენტიდან მომდინარეობს. ახალი ტალანტების მოსაზიდად, საჭიროა პრაქტიკულ პროგრამაზე დაფუძნებული კურსი, რომელიც არის Dev School-ი. ეს წარმოადგენს ე.წ. ნაზავს, როგორც პრაქტიკული ისე თეორიული ცოდნის ტრენინგ უნარების გამომუშავებას. ჩვენი კომპანია სხვადასხვა ქვეყნებში ახორციელებს Dev School-ს. საქართველოში ეს პროგრამა 2023 წელს გავუშვით და წარმატებულად ჩაიარა.
როგორ ფიქრობთ, ეს უფრო კადრების დეფიციტის საკითხია თუ საერთაშორისო მიდგომა?
ორივე. გამომდინარე იქიდან რომ კადრების დეფიციტიც არის ბაზარზე და ასევე ამ პროექტს წარმატებულად ვახორციელებთ სხვადასხვა ქვეყნებში.
გვიამბეთ Dev School-ის ახალ პროგრამაზე, რა არის მისი უპირატესობა?
გარდა იმისა, რომ Dev School-ი ინოვაციური მიდგომაა, ეს არის სრულად უფასო და ჩვენ ამას ვუყურებთ, როგორც ჩვენი კომპანიის ინვესტიციას ტექ-ეკოსისტემის განვითარებისთვის. რა თქმა უნდა ჩვენ არ გვაქვს ილუზია, რომ ვინც ამ კურსს გაივლის ყველა ჩვენი კომპანიის თანამშრომელი გახდება. Dev School-ის ინოვაციურობა იმაში მდგომარეობს, რომ არის ორიენტირებული პრაქტიკულ, მოკლევადიან გადამზადებაზე. ბავშვებს შესაძლებლობა ექნებათ, რომ ერთი თვის განმავლობაში, მენტორებთან ერთად განახორციელონ ნამდვილი პროექტები, შექმნან პროდუქტები, რომლის პროტოტიპებზეც შესაძლებელი იქნება ჩვენს კლიენტებთან გადაწყვეტილების მიღების დანერგვა. დღეს ჩვენ კლიენტები გვყავს აშშ-ში, რომელთა პროგრამული პრობლემების გადაჭრაზეც ვმუშაობთ უზრუნველყოფის კუთხით და იმედი მაქვს, რომ ამ ერთი თვის განმავლობაში ის ბავშვებიც მიიღებენ მონაწილეობას, დადებენ ინოვაციურ იდეებსა და პროექტებს, რომელიც საინტერესო იქნება შემდგომ ჩვენი კლიენტებისთვისა და გუნდისთვის. შემდგომ კი მნიშვნელოვანი იქნება ამ ადამიანების კარიერული წინსვლისთვის. Dev School-ი არ არის დამწყებებისთვის, მათ უნდა ჰქონდეთ ბაზა.
ყველაზე მთავარი არის ის, რომ პირველივე დღიდან ვინც დევ სქულში ჩააბარებს მათ, ჩვენი გუნდის წევრებად მივიჩნევთ. გარდა ტექნიკური ცოდნისა ამ ადამიანებს ჩვენთან აქვთ შესაძლებლობა ისარგებლონ ყველა იმ სერვისით რაც ლინეიტს აქვს - ეს იქნება კარიერული ზრდა, შესაბამისი უნარები და ა.შ.
ეს არის ის დამატებითი ბენეფიტები რასაც ჩვენ ვთავაზობთ ყველა Dev School-ის წარმომადგენელს. ეს არის მთავარი მიზეზი თუ რატომ უნდა ჩააბარონ მათ Dev School-ში და ასევე რა თქმა უნდა ყველაზე მნიშვნელოვანი, ეს არის დასაქმების გარანტია წარმატებული სტუდენტებისათვის.
სტატისტიკა რომ მოვიყვანოთ წინა წელთან შედარებით 25-მა ბავშვმა ჩააბარა Dev School-ზე, 300-მდე ადამიანმა შემოიტანა 25 ადგილზე და აქედან მხოლოდ 11 გადავიდა მეორე ეტაპზე, ანუ სწავლებიდან შემდგომ პრაქტიკულ ნაწილზე.
25-მა ადამიანმა რომ დაიწყო სწავლა სადაც შუაში ჰქონდათ გამოცდა რომელზეც ნახევარი გადავიდა და ამ ნახევრიდან 6 ადამიანს შევთავაზეთ ანაზღაურებადი სტაჟირება და შემდგომ 6-ვეს შევთავაზეთ დასაქმება. აქ მინდა აღვნიშნო, რომ ამ 25 ადამიანიდან 50% იყო გოგო და ეს ხელოვნურად არ მომხდარა. ბუნებრივად იყო და დასაქმებულთა შორისაც 3 გოგო იყო და 3 ბიჭი.
ვურჩევდი ახალგაზრდებს, რომ დაინტერესდნენ IT მიმართულებით. საკმაოდ ფართოა ის სპექტრი, რომელიც ტექნოლოგიურ სფეროს ახასიათებს. ვიღაც შეიძლება იყოს წარმატებული ციფრული დეველოპერი, ვიღაც შეიძლება იყოს წარმატებული ტესტერი. ყველას ვურჩევდი, რომ ჩააბარონ ამ მიმართულებაზე, რადგან ეს არის მომავლის პროფესია. ჩემთვის წარმოუდგენელია 10-20 წელიწადში ადამიანმა ტექნოლოგიების გარეშე იცხოვროს.
უახლესი
16 საათის წინ
რა ეტაპზეა „სელფის“ მიერ 5G ინტერნეტის დანერგვის პროცესი