Apple Inc. ინვესტორები გააფრთხილა, რომ ახალი პროდუქტები შეიძლება არასოდეს იყოს ისეთი მომგებიანი, როგორც iPhone-ი, რადგან კომპანია შედის გამოუცდელ ბაზრებზე, როგორიცაა ხელოვნური ინტელექტი და ვირტუალური რეალობა.
„ახალმა პროდუქტებმა, სერვისებმა და ტექნოლოგიებმა შეიძლება შეცვალოს ან გადაანაცვლოს არსებული შეთავაზებები და გამოიწვიოს უფრო დაბალი შემოსავლები და მოგების მარჟა“, - ნათქვამია Apple-ის წლიურ ანგარიშში „ამას შეიძლება ჰქონდეს არსებითი უარყოფითი გავლენა კომპანიის ბიზნესზე, ოპერაციულ შესრულებაზე და ფინანსურ მდგომარეობაზე ".
Apple ყოველწლიურ ანგარიშებში რეგულარულად აფრთხილებს ინვესტორებს, რომ კონკურენციამ, ვალუტის კურსის ცვლილებებმა, მიწოდების ჯაჭვის პრობლემებმა და სხვა ფაქტორებმა შეიძლება გამოიწვიოს "არასტაბილურობა და დაღმავალი ზეწოლა" მომგებიანობაზე.
Apple დიდ ინვესტიციას ახორციელებს AI-ში, რათა დაეწიოს კონკურენტებს, როგორიცაა Google, ისევე როგორც ახალ Vision Pro-ში. Apple Intelligence-მა AI პლატფორმის პირველი ფუნქციები გასულ კვირას გაუშვა და მომდევნო თვეებში მოსალოდნელია მეტი ფუნქციის დამატება, მათ შორის ChatGPT-ის ინტეგრაცია Siri ასისტენტთან.
Apple-მა პარასკევს განაცხადა, რომ კომპანიის შემოსავალი 6,1%-ით გაიზარდა და 2024 წლის ფისკალური მეოთხე კვარტალში, რეკორდულ 94,93 მილიარდ დოლარს მიაღწია.
ოთხშაბათს ვაჭრობისას Apple-ის აქციების ფასი 1.1%-ით გაიზარდა. კომპანიის კაპიტალიზაცია ბოლო სამი თვის განმავლობაში გაიზარდა 7.6%-ით (3.4 ტრილიონ დოლარამდე).
უახლესი
