2022 წელს ₾2.6 მილიონის საკოლექციო და ნუმიზმატიკური პროდუქცია გაიყიდა

საქართველოს ეროვნული ბანკის ანგარიშის თანახმად, 2022 წლის განმავლობაში რეალიზებულია 2.6 მლნ ლარის ღირებულების (338.5 ათასი ერთეული) საკოლექციო, ნუმიზმატიკური და სხვა სახის სარეალიზაციო პროდუქცია,

მათ შორის: 

• ნაღდი ფულით შეძენილი იქნა 1.1 მლნ ლარის პროდუქცია;
• პლასტიკური ბარათის მეშვეობით - 1.2 მლნ ლარის პროდუქცია;
• ინტერნეტ მაღაზიის მეშვეობით -153.7 ათასი ლარის პროდუქცია;
• წინასწარი ანგარიშსწორებით - 122.4 ათასი ლარის პროდუქცია;
• შემდგომი ანგარიშსწორებით -24.3 ათასი ლარის პროდუქცია.

საკოლექციო მონეტების რეალიზაციიდან მიღებული შემოსავალი წინა, 2021 წელთან შედარებით, 2.1-ჯერაა შემცირებული, ხოლო ნუმიზმატიკური ფასეულობის რეალიზაციიდან მიღებულმა შემოსავალმა 3.1-ჯერ მოიმატა.