იტალიაში ექსპორტი 45%-ით არის გაზრდილი

იტალიაში ექსპორტი 45%-ითაა გაზრდილი. საქსტატის ინფორმაციით, 2024 წელს საქართველომ იტალიაში 53,750.30 ათასი დოლარის პროდუქცია გაყიდა, ხოლო 2023 წელს ექსპორტმა 37,146.87 ათასი დოლარის შეადგინა. საქართველოდან იტალიაში ნომერ პირველი საექსპორტო პროდუქტი თხილი და კაკალია, რომელზეც ამ ქვეყანაში განხორციელებული ექსპორტის 38% მოდის. 

TOP 5 პროდუქტი, რასაც საქართველო იტალიაში ყიდის:

• თხილი და სხვა კაკალი -18,161.88 ათასი დოლარი;
• მილები, მილაკები და ღრუ პროფილები, უნაკერო, შავი ლითონისაგან - 13,064.79 ათასი დოლარი;
• ფეროშენადნობები - 10,288.19 ათასი დოლარი;
• ფანერა დაწებებული, პანელები ხის დაფანერებული და ანალოგიური მასალები შერეული მერქნისაგან - 1,813.32 ათასი დოლარი;
• სასუქები მინერალური ან ქიმიური, აზოტოვანი - 1,607.51 ათასი დოლარი;

რაც შეეხება იმპორტს, 2024 წელს 2023 წელთან შედარებით იტალიიდან იმპორტი 11%-ითა გაზრდილი. 2024 წელს საქართველომ იტალიიდან 416,327.39 ათასი დოლარის პროდუქცია იყიდა, 2023 წელს კი 373,865.36 ათასი დოლარის. იტალიიდან საქართველოში ნომერ პირველი საიმპორტო პროდუქტი მსუბუქი ავტომობილებია.

TOP 5 პროდუქტი, რასაც საქართველო იტალიიდან ყიდულობს:

• მსუბუქი ავტომობილები - 25,990.16 ათასი დოლარი;
• სამკურნალო საშუალებები დაფასოებული - 14,911.78 ათასი დოლარი;
• ავეჯი სხვა და მისი ნაწილები - 11,614.81 ათასი დოლარი;
• მანქანები ჭურჭლის სარეცხი - 11,079.65 ათასი დოლარი;
•  ფეხსაცმელი რეზინის, პოლიმერული მასალის, ტყავის ძირითა და ტყავის ზედაპირით - 9,990.39 ათასი დოლარი;