დღეს ქვეყნის პრემიერ-მინისტრი ირაკლი კობახიძე ბიზნესმენებს შეხვდება. ბიზნესის წარმომადგენლებისა და პრემიერის შეხვედრა მთავრობის ადმინისტრაციაში გაიმართება.
როგორც მთავრობის ადმინისტრაციაში Business Insider Georgia-ს განუცხადეს, პრემიერ-მინისტრი ბიზნესს გაფართოებულ ფორმატში ხვდება. მათივე ცნობით, მას შემდეგ რაც ირაკლი კობახიძე პრემიერია მსგავსი ფორმატის შეხვედრა ბიზნესთან ჯერ არ გამართულა და ახლა დაიგეგმა.
შეხვედრა მედიისთვის დახურულია და ის მთავრობის ადმინისტრაციაში 17 საათზე დაიწყება.
