Business Insider Georgia-თან Galt&Taggart-ის კვლევების დეპარტამენტის დირექტორი ევა ბოჭორიშვილი საქართველოში 2022 წელს შემოსული ინვესტიციების ფაქტორებს აფასებს.
მისი თქმით, საქართველოში ინვესტიციების ზრდა გამოიწვია როგორც რეინვესტირებამ, ასევე სააქციო კაპიტალის ზრდამ.
ინვესტიციების ზრდის განმაპირობებელი იყო მაღალი ეკონომიკური აქტივობა, რომლის შედეგადაც კომპანიებს გაეზარდათ მოგება და ამ თანხების რეინვესტირება მოახდინეს.
ამასთან სააქციო კაპიტალში ინვესტიციების ზრდა ასევე უკავშირდება მიმზიდველ ეკონომიკურ გარემოს, რეგიონში მიმდინარე გეოპოლიტიკური კონფლიქტის ფონზე“, - ამბობს ბოჭორიშვილი.
მისივე თქმით, 2022 წელს ინვესტიციები გაიზარდა, როგორც ნომინალში, ისე მშპ-თან მიმართებით და 8.1% შეადგინა, რაც 2018 წლის შემდეგ ყველაზე მაღალი მაჩვენებელია.
რაც შეეხება საფინანსო და სადაზღვევო სექტორში ჭარბ ინვესტირებას, ბოჭორიშვილი ამ ფაქტს სექტორების მიმზიდველობას უკავშირებს.
„ინვესტორი შედის იმ სექტორში, სადაც ინვესტიციებზე მაღალი უკუგება ფიქსირდება, და ეს სექტორები ამ მხრივ მიმზიდველია“, - ამბობს ბოჭორიშვილი.
საქსტატის მონაცემებით, 2022 წელს ინვესტიციების მოცულობა სექტორულად ასე გადანაწიოლდა:
საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2022 წელს 2 მილიარდი აშშ დოლარი შეადგინა, რაც 2021 წლის დაზუსტებულ მონაცემებს 61.1 პროცენტით აღემატება.
უახლესი
3 წუთის წინ
რა სიახლეებს სთავაზობს „ფუსფუსი“ მომხმარებლებს46 წუთის წინ
XI მოწვევის პარლამენტის პირველი სხდომა გაიხსნა
