ინდოეთის მთლიანი შიდა პროდუქტი 2075 წლისთვის 52,5 ტრილიონ დოლარს მიაღწევს, რითაც ქვეყანა ამ ინდექსით სიდიდით მეორე ადგილს დაიკავებს.
ამის შესახებ ამერიკული ტელეარხი CNBC საინვესტიციო ბანკის Goldman Sachs-ის მონაცემებზე დაყრდნობით იუწყება.
CNBC-ის ცნობით, 2075 წლისთვის ინდოეთი, რომელიც ამჟამად მსოფლიოში მეხუთე ეკონომიკაა, ჩინეთის შემდეგ მეორე ადგილს დაიკავებს და გაუსწრებს აშშ-ს, იაპონიას და ევროზონის ეკონომიკას. ამასთან, ჩინეთის მშპ 57 ტრილიონი დოლარი იქნება, ინდოეთის - 52,5 ტრილიონი დოლარი, შეერთებული შტატების - 51,5 ტრილიონი დოლარი, ევროზონის - 30,3 ტრილიონი დოლარი, იაპონიის - 7,5 ტრილიონი დოლარი.
Goldman Sachs-ის ანალიტიკოსები ამატებენ, რომ ინდოეთის ეკონომიკის განვითარება დიდწილად მოსახლეობისა და სამუშაო ძალის აქტიური ზრდით იქნება განპირობებული.
