ქართველმა ძიუდოისტმა ილია სულამანიძემ (-100 კგ) პარიზის ოლიმპიურ თამაშებზე პირველი გამარჯვება მოიპოვა.
მან იტალიელ ჯენარო პირელის იპონით სძლია და მეოთხედფინალში გავიდა. სულამანიძე ასპარეზობაში მეორე წრიდან ჩაერთო.
ამ დროისთვის საქართველოს ოლიმპიურ თამაშებზე ორი მედალი აქვს - ძიუდოისტმა ტატო გრიგალაშვილმა ვერცხლის მოპოვება შეძლო, ლაშა ბექაური კი ძიუდოში ორგზის ოლიმპიური ჩემპიონი გახდა.
