ევროპულ გაზზე გაცვლითი ფასი ICE Futures-ის პლატფორმაზე 2023 წლის ივლისის შემდეგ ყველაზე დაბალ დონეზე დაეცა.
12 თებერვალს ჰოლანდიურ TTF ჰაბში მარტის გაზის ფიუჩერსების ფასი 1 მგვტ/სთ-ზე 25,86 ევრომდე დაეცა. გაზის ფიუჩერსებით ბოლოს ამ დონის ქვემოთ 2023 წლის 28 ივლისს ივაჭრეს.
Reuters-ის ცნობით, ფასების კლება გამოწვეულია თბილი ზამთრით, რამაც შეამცირა გაზის მოხმარება გათბობისთვის და შეივსო მიწისქვეშა საცავი. ასევე აღდგა გაზის მიწოდება ნორვეგიიდან, რომელიც ტროლის საბადოზე და Nyhamn გაზის გადამამუშავებელ ქარხანაში სარემონტო სამუშაოების გამო იყო შეჩერებული.
