კომერციული ბანკების მიერ ლარში და დოლარში გაცემული სესხების მოცულობა მზარდია, რაც იმას ნიშნავს, რომ ეკონომიკის დაკრედიტება იზრდება.
სებ-ის მონაცემების მიხედვით, 2024 წლის მარტის მდგომარეობით ეროვნულ ვალუტაში 29.68 მლრდ ლარის სესხი იყო გაცემული, ხოლო უცხოურ ვალუტაში 8.94 მლრდ დოლარის, შესაბამისად ზრდა 2023 წლის მარტთან შედარებით ლარის შემთხვევაში 19%-ია, ხოლო უცხოური ვალუტით გაცემულ სესხებში 15%-ი.
ლარში სესხების მოცულობის ზრდა განსაკუთრებით სახეზეა 2023 წლის მეორე ნახევრიდან, რაც პირდაპირ კავშირშია რეფინანსირების განაკვეთის კლებასთან, რაც ბოლო თვეების განმავლობაში შეუქცევადად გრძელდება.
