ევროკავშირის, შვედეთის და ავსტრიის მხარდაჭერით, საქართველოს მაღალმთიან რეგიონში, მრავალფეროვანი ტურისტული შეთავაზებები ვითარდება.
სვანეთის რეგიონი, ბუნებრივად შთამბეჭდავი ადგილია და შესაბამისად ტურისტული პოტენციალი საკმაოდ დიდია. თუმცა, მხოლოდ ბუნებრივი პირობები არ არის საკმარისი ადგილის ტურისტულად მიმზიდველობისთვის. აქ, უკვე ადგილობრივი მაცხოვრებლების გეგმები, მონდომება და დონორების მხარდაჭერა უზრუნველყოფს ტურისტებისთვის მრავალფეროვანი პროდუქტების და სერვისების შეთავაზებას.
პროექტ GRETA-ს დახმარებით დავით ნიკოლოზიანმა სვანეთში სასტუმრო ბიზნესი ეტაპობრივად განავითარა და დღეს მისი საოჯახო სასტუმრო „ECOHOUSE SVANETI“ 10 ოთახს ითვლის.
დავით ნიკოლოზიანმა სვანეთში, ლატალის თემში, სოფელ ლახუშდში, მამა-პაპისეული ტრადიციული სახლის საოჯახო სახლ-სასტუმროდ გადაკეთება გადაწყვიტა. თავიდან 3 ოთახი მოაწესრიგა და ტურისტების მცირე რაოდენობას უმასპინძლა. ყოველწლიურად გაფართოვების მიზნით, მინიმუმ თითო ოთახს ამატებდა და დღეს, დავით ნიკოლოზიანის საოჯახო სასტუმრო „ECOHOUSE SVANETI“ 10 ოთახს ითვლის.
„2020 წელს სრულად გაჩერდა ჩვენი ბიზნესი, სტუმარი საერთოდ არ გვყოლია და ძალიან მნიშვნელოვანი აღმოჩნდა დონორების, ევროკავშირის, შვედეთის და ავსტრიის ფინანსური მხარდაჭერა. მე მქონდა პროექტი, რომელიც შეეხებოდა როგორც სასტუმროს დამატებითი ნომრებით აღჭურვას და მის ინვენტარს, ასევე ეს იყო სამთო ბილიკების მოსაწყობად და შესანარჩუნებლად საჭირო ტექნიკა“ - ამბობს დავით ნიკოლოზიანი.
„ECOHOUSE SVANETI“ -ის მთავარი უპირატესობა ისაა, რომ ტურისტები სოფლის ავთენტურ გარემოსსრულად გრძნობენ. საუზმეზე სტუმრები მასპინძლის ბოსტანში მოყვანილ პროდუქციას დასასტუმროს ეზოში მდებარე ფუტკრის სკებში მომზადებულ თაფლს აგემოვნებენ. სტუმრებში კი ევროპელი ტურისტები ჭარბობენ. სასტუმროს მეპატრონის თქმით, ეს სწორედ ის ტურისტები არიან, რომლებმაც კარგად იციან სოფლის ავთენტური ეკო-გარემოს გემოც და ფასიც. აქ ფაქტიურად გასტრონომიული, სათავგადასავლო და ეკო ტურიზმის პროდუქტები გაერთიანებულია ერთ სივრცეში
“აღმოვაჩინეთ ჩვენი ნიშა, ე.წ. ეკო მიმართულებით, ვინაიდან თითქმის ყველა პროდუქტს ჩვენთვითონ ვაწარმოებდით, მათ შორის ხორცის და რძის ნაწარმს, ანუ თითქმის ყველა საჭიროპროდუქტს, რომლებიც საჭიროა ტურისტების კვებისთვის, ასევე ადგილზე გვყავს ფუტკარი, მოგვყავს ბიო ორგანული კარტოფილი. გადავწყვიტეთ ეს ყველაფერი შეგვეთავაზებინატურისტებისთვის და სახელიც სწორედ აქედან დაიბადა „ECOHOUSE SVANETI“ - აცხადებს დავით ნიკოლოზიანი.
„ბოსტნიდან პირდაპირ მაგიდაზე“ - ესაა საქმიანობის ერთ-ერთი მთავარი პრინციპი და შეიძლება ითქვას, რომ ორი მნიშვნელოვანი კომპონენტის, ტურიზმის და ორგანული სოფლის მეურნეობის საუკეთესო თანხვედრაა.
განსაკუთრებული შეთავაზებით, რითიც ნიკოლოზიანები ამაყობენ და მათ გარშემო ტერიტორიის მასშტაბით ჯერ-ჯერობით უკონკურენტოა, არის განსხვავებულად მოწყობილი შემინული ოთახი. რომელიც მათთან მისულ ტურისტებს ღია ცის ქვეშ ღამის გატარების იმიტაციას უქმნის. ამ განსაკუთრებული პროდუქტის შექმნისთვის, ევროკავშირს, შვედეთს და ავსტრიას ფასდაუდებელი წვლილი მიუძღვის.
„ამ ოთახის მოწყობა დიდი ხანია მინდოდა, მაგრამ, იმ დროს ფინანსები არ მიწყობდა ხელს. ევროკავშირის, შვედეთის და ავსტრიის დახმარებით, პროექტ “GRETA”-ს მეშვეობით შევძელით მოგვეწყო ოთახი, რომელსაც აქვს შუშის ჭერი, შუშის კედლები და ბუნებასთან ახლოს ყოფნის შეგრძნებებს ტოვებს. - ამბობს დავით ნიკოლოზიანი.
სვანური სამზარეულოს ნატურალური გემოები და ინოვაციური სასტუმრო ოთახიდან სვანეთის დღის და ღამის თვალწარმტაცი ცის ყურება, ეს ის განსაკუთრებული ემოციებია, რომლიც არასდროს ავიწყდება ნებისმიერ სტუმარს და მას უჩნდება სურვილი, რომ გარშემო მყოფებსაც გაუზიაროს სვანეთში მიღებული ჯადოსნური შთაბეჭდილებები.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
უახლესი
