კომუნიკაციების კომისიის სამართლებრივი უზრუნველყოფის ჯგუფის უფროსმა, ლევან მაისურაძემ, ევროპის საბჭოს მედიის და საინფორმაციო საზოგადოების მმართველი კომიტეტის (CDMSI), ასევე, ონლაინ უსაფრთხოების, კონტენტის შემქმნელთა და მომხმარებელთა გაძლიერების ექსპერტული კომიტეტის (MSI-eSEC) შეხვედრაში, როგორც ექსპერტული კომიტეტის წევრმა, მონაწილეობა მიიღო.
ღონისძიების ფარგლებში, კომიტეტმა განიხილა ონლაინ უსაფრთხოების, კონტენტის შემქმნელებისა და მომხმარებლების გაძლიერების შესახებ რეკომენდაციის პროექტი, რომელიც კომიტეტის მანდატის ამოწურვამდე უნდა მომზადდეს და წარედგინოს CDMSI-ის. ამასთან ერთად, შეხვედრაზე იმსჯელეს როგორც კომიტეტის მიზნებსა და სამუშაო მეთოდებზე, ასევე უფლებამოსილების სფეროსა და 2024-2025 წლებში განსახორციელებელ გეგმებზე. გარდა ამისა, შეხვედრის ფარგლებში თავმჯდომარის და ვიცე-თავმჯდომარის არჩევნები ჩატარდა.
შეგახსენებთ, რომ ლევან მაისურაძე ექსპერტული კომიტეტის წევრად ევროპის საბჭოს მედიისა და საინფორმაციო საზოგადოების მმართველი კომიტეტის 24-ე სხდომაზე, 31 ხმით იქნა არჩეული. კომიტეტი მედიისა და ინფორმაციული საზოგადოების მიმართულებით, აქტუალურ საკითხებზე ევროპის საბჭოს ანგარიშებისა და რეკომენდაციების შემუშავებაზეა პასუხისმგებელი.
უახლესი
22 საათის წინ
საქართველოდან ისრაელში ექსპორტი 35%-იან ზრდას აჩვენებს
