APM Terminals Poti მაღალი ხარისხის სარკინიგზო და საზღვაო სერვისების მომსახურებას უზრუნველყოფს, რომელიც გადამწყვეტ როლს ასრულებს ცენტრალური აზიის ევროპასთან დასაკავშირებლად ფოთის გავლით.
როგორც კომპანიის მიერ გამოქვეყნებულ ინფორმაციაშია აღნიშნული, განახლებული სარკინიგზო ინფრასტრუქტურის საშუალებით, Sofmar - Agency, Forwarding Transportation-თან პარტნიორობით, ცენტრალური აზიიდან უკვე მიღებულია ე.წ. Big Bag-ებში განთავსებული ტვირთი, რომელიც ჯერ ადგილზე კონტეინერებში განათავსა და შემდგომ, ევროპაში გაგზავნა.
„აღნიშნული გრძელვადიანი პროექტი მოიცავს ტვირთის სარკინიგზო ხაზით ტრანსპორტირებას, დასაწყობებას, კონტეინერებში გადატანასა და საზღვაო ხაზით დანიშნულების ადგილზე გაგზავნას. ეს სერვისი კიდევ ერთი დადასტურებაა იმ სტრატეგიული მნიშვნელობის, რომელიც გააჩნია ფოთს, როგორც ორ კონტინენტს შორის დამაკავშირებელ ხიდს“, - აცხადებენ APM Terminals Poti-ში.
უახლესი
