„30-წლიანი გამოცდილება, მაღალი ნდობა საავტომობილო სექტორში და მრავალფეროვანი პორტფელი „თეგეტა ჰოლდინგს“ საშუალებას აძლევს, სრულად უპასუხოს მცირე, საშუალო და მსხვილი ბიზნესის საჭიროებებს“, - ამის შესახებ „თეგეტა ჰოლდინგის“ მთავარმა აღმასრულებელმა ოფიცერმა, ეკატერინე ქავთარაძემ განაცხადა. „თეგეტა ჰოლდინგის“ ახალი მიმართულება - „თეგეტა ბიზნესი“ - საგანგებოდ ბიზნესმომხმარებლებზეა ორიენტირებული და მიზნად ისახავს კორპორაციული მომხმარებლებისთვის სერვისის კიდევ უფრო მეტად განვითარებას.

ეკატერინე ქავთარაძე, „თეგეტა ჰოლდინგის“ მთავარი აღმასრულებელი ოფიცერი: „რა სჭირდება მომხმარებელს? - ეს არის შეკითხვა, რომელსაც „თეგეტა ჰოლდინგი“, 30-წლიანი წარმატებული ისტორიის მქონე საავტომობილო კომპანია მუდმივად სვამს და  სწორედ პასუხის შესაბამისად ქმნის საკუთარ სტრატეგიას. „თეგეტა ბიზნესის“ კონცეფციაც სწორედ ჩვენი კორპორაციული პარტნიორების საჭიროებების შესაბამისად შევქმენით. ჩვენი მიზანია, მომხმარებლებს მათზე მორგებული პროდუქტი საუკეთესო ფასად შევთავაზოთ და უზრუნველვყოთ მათი ბიზნესის უწყვეტობა. მრავალფეროვანი პორტფელი, საერთაშორისო პარტნიორები, მაღალი ნდობა და გამოცდილება გვაძლევს შესაძლებლობას, ბიზნესს შევუწყოთ ხელი, გაამარტივოს, დააჩქაროს, ხარჯთეფექტური გახადოს და გააუმჯობესოს კორპორაციული ავტოპარკის მართვის პროცესები“. 

Tegeta for Business მომხმარებელს სთავაზობს:

• ფლიტ მენეჯმენტის სერვისს – ავტოპარკის სრულ ტექნიკურ მომსახურებას, გამართულობის კონტროლსა და მონაცემებზე დაფუძნებულ ანალიტიკას;
• TCO (Total Cost of Ownership) ანალიზს – ავტოპარკის ფლობის ხარჯების გამჭვირვალე შეფასებას, რაც ხელს უწყობს ფინანსურ ოპტიმიზაციას;
• PPK (Price-Per-Kilometer) სერვისს – უნიკალურ შეთავაზებას, სადაც მომხმარებელი იხდის მხოლოდ გავლილი კილომეტრის მიხედვით, რაც გამორიცხავს ერთჯერად დიდ ხარჯებს საბურავებსა და სერვისებზე;
• ინდივიდუალურ ფასებსა და ტექნიკურ მხარდაჭერას ავტოპარკის სპეციფიკის მიხედვით;
• პრიორიტეტულ მომსახურებასა და პერსონალურ მენეჯერს, რომელიც ზრუნავს სერვისის უწყვეტობასა და მომხმარებლის საჭიროებებზე;
• მომხმარებელზე მორგებულ სალიზინგო პროდუქტებსა და გადახდის პირობას.

მოქნილი და სწრაფი თანამშრომლობისათვის შექმნილია საკომუნიკაციო არხები(www.tegetabusiness.ge;  TegetaBusiness@tegetamotors.ge;  226 44 44), სადაც ბიზნესის წარმომადგენლებს შეუძლიათ, დარეგისტრირდნენ ან დაუკავშირდნენ სპეციალურად ამ მიმართულებაში შექმნილ საკონტაქტო ჯგუფს.