„თეგეტა ბიზნესი“ - ახალი მიმართულება ჰოლდინგმა ბიზნესფორუმზე კორპორაციულ მომხმარებლებს წარუდგინა
„თეგეტა ჰოლდინგმა“ მსხვილი და საშუალო ბიზნესის წარმომადგენლებს ბიზნესფორუმზე უმასპინძლა. პერსონალიზებული მიდგომა, ექსკლუზიური ფასები, სრული ტექნიკური მომსახურება და ავტოპარკის მართვა ერთიანი სისტემის ფარგლებში - პრეზენტაციაზე კომპანიებს იმ პროდუქტებისა და სერვისების შესახებ მიაწოდეს ინფორმაცია, რომლებსაც ჰოლდინგის ახალი მიმართულება „თეგეტა ბიზნესი“ აერთიანებს.
მხარდამჭერი ინიციატივა კორპორაციული მომხმარებლებისთვის უფრო მოქნილი, სწრაფი და ეფექტური მომსახურების უზრუნველყოფას ისახავს მიზნად. ახალი მიმართულება მთლიანად ბიზნესსექტორზეა მორგებული და გათვალისწინებულია როგორც ლოგისტიკური კომპანიებისთვის, ისე სამშენებლო და სხვა სექტორებისთვის, რომლებსაც ავტოპარკის გამართულად და ეფექტიანად მართვა სჭირდებათ. შატო მუხრანში გამართულ ღონისძიებას 200-მდე სტუმარი ესწრებოდა.
ეკატერინე ქავთარაძე, „თეგეტა ჰოლდინგის“ მთავარი აღმასრულებელი ოფიცერი: „მოხარულები ვართ, რომ ბიზნესებს ჩვენი ახალი მიმართულება დეტალურად გავაცანით. „თეგეტა ბიზნესისთვის“ სრულიად განსხვავებული მიდგომაა, რომლის საშუალებითაც კორპორაციულ მომხმარებლებს ავტოპარკის მოვლის ქართული ბაზრისთვის ინოვაციურ და ყველაზე ხარჯთ ეფექტურ გზას ვთავაზობთ. „თეგეტა“ უკვე აღარ არის მხოლოდ პროდუქტისა და სერვისის მიმწოდებელი — ის ხდება ბიზნესის სტრატეგიული პარტნიორი, რომელიც ზრუნავს ავტოპარკის გამართულობაზე ბიზნესის უწყვეტი მოძრაობისათვის. მთელი ჩვენი კონცეფცია სწორედ ამ პრინციპს ეფუძნება.
ჩვენც ერთი პატარა მაღაზიით დავიწყეთ და ზუსტად ვიცით ბიზნესის ყველა საჭიროება. ხოლო როგორც რეგიონში ავტოინდუსტრიის ლიდერს, გვაქვს პროფესიული გამოცდილება, ვიყოთ მათი მრჩევლები, შევთავაზოთ გადაწყვეტა, რომელიც მათი ავტოპარკის ფლობის ღირებულებას გააეფექტურებს და ავტოპარკის გამართული მუშაობით ხელს შეუწყობს ბიზნესის უწყვეტობას“.
ბიზნესფორუმზე დასასწრებად საქართველოში სპეციალურად ჩამოვიდნენ ბრიტანული და იაპონური ბრენდების Shell-ისა და Bridgestone-ის წარმომადგენლები. „თეგეტას“ მრავალწლიანი პარტნიორები ჰოლდინგის წამოწყებაში აქტიურად არიან ჩართულები. უცხოელმა სტუმრებმა ღონისძიების დამსწრეებს შეთავაზების შესახებ თავადაც გაუზიარეს ინფორმაცია. „თეგეტას“ ახალი ბიზნესმიმართულების ფარგლებში მომხმარებელი მსოფლიო ბრენდების მაღალხარისხიანი პროდუქციის შეძენას ექსკლუზიურ ფასად „თეგეტას“ ნებისმიერ ფილიალში შეძლებს.
„შატო მუხრანში“ გამართულ ღონისძიებაზე საგამოფენო სივრცეც მოეწყო, სადაც მონაწილეებს დეტალურად წარუდგინეს „თეგეტას“ პორტფელში არსებული ბრენდების პროდუქტები. ასევე გააცნეს ინოვაციური პროდუქტები, PPK - ფასი კილომეტრზე და TCO- - საერთო ფლობის ღირებულება და მათი შედეგები თანამედროვე ბიზნესმიდგომების გათვალისწინებით. შეხვედრაზე ბიზნესსუბიექტებს ინდივიდუალური კონსულტაციის მიღების შესაძლებლობაც ჰქონდათ.
„თეგეტა ბიზნესისთვის“ უკვე ხელმისაწვდომია კომპანიებისთვის, რომლებიც ფლობენ ან მართავენ მსუბუქ, სატვირთო, სამშენებლო თუ სპეციალური დანიშნულების ტექნიკას. ბიზნესის წარმომადგენლებს შეუძლიათ,ისარგებლონ მომსახურების სხვადასხვა პაკეტით, რომელიც მათ სპეციფიკაზე მორგებულ პირობებს აერთიანებს. „თეგეტა ჰოლდინგი“ განაგრძობს ინოვაციებზე დაფუძნებული სერვისების დანერგვას და ქმნის ბიზნესგარემოს, რომელიც კომპანიების საქმიანობის უწყვეტობასა და ეკონომიკის ზრდას უწყობს ხელს.
„თეგეტა ბიზნესისთვის“ მოიცავს:
,,თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით ,,თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR,BOMAG და სხვები. ,,თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. ,,თეგეტა ჰოლდინგი”, 3000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.
დღის ტოპ 10 სიახლე
სხვა სიახლეები
Price Per Kilometer – ახალი მიდგომა მეტი ეფექტიანობისთვის – რას სთავაზობს „თეგეტა ბიზნესი“ კორპორაციულ მომხმარებელს
04.07.2025.17:40
მეტი სარგებელი თითოეულ კილომეტრში – „თეგეტა“ ავტოპარკის მართვაზე მიდგომას ცვლის და ბიზნესს საშუალებას აძლევს რესურსები უფრო ოპტიმალურად გამოიყენოს. Price Per Kilometer – „თეგეტა ბიზნესის“ ფარგლებში კომპანია კორპორაციულ მომხმარებელს საბურავების შერჩევისას ახალ საფასო მოდელს სთავაზობს, რა დროსაც საბურავის ღირებულება ერთ კილომეტრზე გამოთვლით განისაზღვრება. ეს ნიშნავს, რომ საბურავის ფასი ავტომობილის გარბენზე ნაწილდება, რაც ცვეთის ეკონომიურად მართვის მოდელია და საოპერაციო ხარჯებისა და ხარისხის საუკეთესო ბალანსს წარმოადგენს. ხარჯთეფექტურობის ფორმულა კომპანიამ ამჯერად სატვირთო და დიდი გაბარიტების მქონე სატრანსპორტო საშუალებებზე გამოთვალა.
ნიკოლოზ მამუკაშვილი, „თეგეტა მოტორსის“ პროდუქტების უფროსი ოფიცერი, PPK პროექტის ხელმძღვანელი: „ჩვენი მიდგომა ფოკუსირებულია რეალურ დანახარჯებზე და მომხმარებელს საშუალებას აძლევს აირჩიოს არა ყველაზე იაფი, არამედ ყველაზე ეფექტიანი გადაწყვეტილება, გრძელვადიან პერსპექტივაში.
პრემიუმ ბრენდის პროდუქციის (საბურავის) გამოყენების შემთხვევაში ავტომობილს აქვს გაუმჯობესებული მართვადობა, მცირდება სამუხრუჭე მანძილი, მეტად დაცულია სატრანსპორტო საშუალების სავალი ნაწილი. დაბალი ცვეთა და ტექნიკური ხარვეზების შემცირება კი, თავის მხრივ, ნაკლებ სერვისს მოითხოვს, უზრუნველყოფს მეტ უსაფრთხოებას და სტაბილურობას, რაც სატვირთო და კომერციული ავტოპარკის მფლობელებისათვის ძალიან მნიშვნელოვანია. ასევე ხაზგასასმელია, რომ ინოვაციური ტექნოლოგიებით წარმოებული პრემიუმ საბურავები საწვავის მოხმარებას 3-5%-ით ამცირებს.
ჩვენი გზავნილი მკაფიო და მარტივად დათვლადია – პრემიუმ ხარისხის საბურავი არა ზედმეტი ხარჯი, არამედ ფინანსური რესურსის რაციონალურად გამოყენების წინაპირობაა“
ჰოლდინგში აცხადებენ, რომ PPK ფორმულა ყველა იმ პრემიუმ ბრენდის პროდუქციას ერგება, რომლებსაც „თეგეტა“ ოფიციალურად წარმოადგენს, მათ შორისაა Bridgestone, Michelin, Continental თუ Pirelli. პროცესს უშუალოდ „თეგეტა“ წარმართავს პარტნიორების ტექნიკური მხარდაჭერით.
გამოთვლის მიმდინარეობა მარტივი და აბსოლუტურად გამჭვირვალეა: საბურავის მონტაჟის პროცესში „თეგეტა მოტორსის“ გუნდი დეტალურად ინიშნავს სატვირთო ავტომობილის მონაცემებს, მათ შორის, გარბენს. ამის შემდეგ იწყება ყოველთვიური მონიტორინგი. ინტენსიურად მოწმდება მაჩვენებლების ცვლილება, რაც საბურავის ექსპლუატაციის ვადის ამოწურვამდე გრძელდება. შემდგომ საავტომობილო პროდუქტის (საბურავის) ღირებულება იყოფა განვლილ მანძილზე და დგინდება ფასი ერთ კილომეტრზე, რაც გაწეულ ხარჯებზე ნათელ სურათს იძლევა. კომპანიაში ამბობენ, რომ შედეგებზე სრულ პასუხისმგებლობას იღებენ და უზუსტობის შემთხვევაში კონკურენტულ ბრენდებთან სხვაობის ასანაზღაურებლადაც მზად არიან.
კომპანია კიდევ ერთხელ უსვამს ხაზს მომხმარებელზე ორიენტირებულ მიდგომას. ბიზნესის მხარდაჭერის ფარგლებში შემუშავებული ეს მოდელი არა მხოლოდ ფინანსური სარგებლის მიღებას, არამედ გამართული ავტოპარკის მეშვეობით, მომხმარებლისთვის ყოველდღიური ოპერაციების გამარტივებასაც ისახავს მიზნად.
