მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაფინანსური განათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაპერსონალური ფინანსებიპოდკასტები
ედიტორიალიბიზნეს ინთელიჯენსიყველა ვიდეოყველა სიახლე
flag
AMD 7038.2
0.0027
flag
AZN 1.583
-0.0003
flag
CNY 37.804
0.0043
flag
EUR 3.1651
0.0076
flag
GBP 3.6556
0.0145
flag
KZT 50.13
-0.0022
flag
TRY 0.0652
0
flag
USD 2.6921
-0.0004

ავტოპარკის მოქნილი და ეფექტიანი მართვა - საოპერაციო ლიზინგის ფარგლებში „ევროპქარ ჯორჯია“ „სოკარ ჯორჯია გაზს“ 75 ავტომობილს მიაწვდის

news image

ავტოგაქირავების კომპანია „ევროპქარ ჯორჯია“, რომელიც ბაზრის ერთ-ერთი წამყვანი მოთამაშეა,კომპანია „სოკარ ჯორჯია გაზთან“ თანამშრომლობას აფართოებს. საოპერაციო ლიზინგის ფარგლებში, „ევროპქარი“ ავტოპარკის სრულ მართვაზე იღებს პასუხისმგებლობას და ენერგეტიკის სფეროში უმსხვილეს ინვესტორს 75 ავტომობილს გადასცემს. Toyota Hilux-ის მოდელებს „სოკარ ჯორჯია გაზი“ ეტაპობრივად მიიღებს. პირველ ეტაპზე 11 ავტომობილის მიწოდებაა გათვალისწინებული. დამკვეთი ყველა იმ უპირატესობით ისარგებლებს, რასაც „თეგეტა ჰოლდინგში“შემავალი კომპანია „ევროპქარ ჯორჯია“ კორპორაციულ მომხმარებელს საოპერაციო ლიზინგის ფარგლებში სთავაზობს. 

ნინო პატარაია, „ევროპქარ ჯორჯიას“ საოპერაციო დირექტორი: „ევროპქარ ჯორჯიასა“ და „სოკარ ჯორჯია გაზს“ შორის თანამშრომლობა რამდენიმე წლის წინ დაიწყო და მოხარულები ვართ, რომ ახლა კიდევ უფრო დიდი მასშტაბები შეიძინა. 5-წლიანი კონტრაქტის ფარგლებში ვიღებთ ვალდებულებას, 75 მანქანით დაკომპლექტებული ავტოპარკი სრულად ვმართოთ - ყოველ სამ თვეში შევამოწმოთ ავტომობილების მდგომარეობა, გავუწიოთ სათანადო სერვისი და  ყველა საჭირო დეტალზე ვიზრუნოთ. საოპერაციო ლიზინგი შესაძლებლობას ქმნის, კომპანიამ უფრო ეფექტიანად მართოს როგორც შრომითი რესურსები, ისე საოპერაციო ხარჯები და საქმიანობა უწყვეტად, შეუფერხებლად წარმართოს. მთელ ამ პროცესში, ცხადია, ზურგს გვიმაგრებს „თეგეტა ჰოლდინგის“ მრავალმხრივი პორტფელი, 30-წლიანი გამოცდილება სერვისში და ხელმისაწვდომობა მთელი ქვეყნის მასშტაბით.  

ვფიქრობთ, საოპერაციო ლიზინგი სტრატეგიულად მოგებიანი გადაწყვეტაა კომპანიებისათვის, რომელთა ძირითადი საქმიანობა არ არის საავტომობილო ინდუსტრია.

დარწმუნებულები ვართ, რომ „სოკარ ჯორჯია გაზთან“ თანამშრომლობის ახალი ეტაპი წარმატებული და ეფექტიანი იქნება“.

„სოკარ ჯორჯია გაზს“ „ევროპქარ ჯორჯია“ ავტომობილებს ეტაპობრივად გადასცემს. პროცესი სრულად წლის ბოლომდე დასრულდება.

 

მარიკა ჯაფარიძე, „სოკარის“ მთავარი იურისტი: „მიუხედავად იმისა, რომ წლების მანძილზე ვთანამშრომლობთ საოპერაციო ლიზინგის ფარგლებში, „ევროპქარ ჯორჯიას“ შერჩევა შესაბამისად გამოცხადებული ტენდერის საფუძველზე განხორციელდა. „ევროპქარ ჯორჯიას” მიერ შემოთავაზებული პირობები სრულად მისაღები აღმოჩნდა  „სოკარჯორჯია გაზი“-სთვის, რომელიც  გათვლილია დამკვეთის სრულ კომფორტზე. „ევროპქარ ჯორჯიას“ გუნდი ისეთ დეტალებზეა ორიენტირებული, რაც ჩვენს თანამშრომლობას გვჯერა, რომ ნაყოფიერს გახდის”.

საოპერაციო ლიზინგით სარგებლობა, ავტომობილის ფლობისაგან განსხვავებით, არაპროგნოზირებადი ხარჯებისაგან დაცვის გარანტიას ქმნის. აღარ არის აუცილებელი ერთჯერადი მსხვილი ინვესტიცია, ტექნიკური პერსონალის დაქირავება მუდმივი ზედამხედველობისთვის და სარემონტო სერვისი. საოპერაციო ლიზინგი ამ პროცესს სრულად ანაცვლებს და ბიზნესს სთავაზობს: 

  • სრულ ტექნიკურ, საგარანტიო და არასაგარანტიო სერვისს
  • დაზღვევას ყველა შესაძლო რისკისგან
  • GPS მონიტორინგსა და დეტალურ რეპორტინგს
  • სეზონური საბურავების შეცვლასა და შენახვას
  • პარკირების გადასახადის დაფარვას
  • პერსონალური მენეჯერის მომსახურებას
  • 24/7 საგზაო დახმარებასა და ევაკუატორის მომსახურებას 
  • საჭიროების შემთხვევაში ავტომობილის ჩანაცვლებას

„ევროპქარ ჯორჯიაში“ აღნიშნავენ, რომ საოპერაციო ლიზინგზე ბოლო წლებში მოთხოვნა მნიშვნელოვნად არის გაზრდილი, რასაც მონაცემებიც ადასტურებს - ამ მიმართულებით ბოლო 5 წლის განმავლობაში „ევროპქარ ჯორჯიას“ ყოველწლიურად 30%-იანი ზრდა აქვს. ამჟამად კომპანიას 500-ზე მეტი ავტომობილი ჰყავს იჯარით გაცემული და არაერთ მსხვილ კორპორაციასთან თანამშრომლობს.

„ევროპქარი“ უკვე სომხეთის ბაზარზეა, ასევე წარმატებით ოპერირებს უზბეკეთში და რეგიონის ქვეყნებს ავტომობილების გაქირავებასთან დაკავშირებულ სრულ მომსახურებას სთავაზობს.

--

ფრანგული კომპანია Europcar Georgia თეგეტა ჰოლდინგში შემავალი კომპანიაა, რომელმაც გასულ წერს ესპანური ბრენდი Goldcar-იც დაიმატა. კომპანია ორივე  საერთაშორისო ბრენდის ექსკლუზიური წარმომადგენელია საქართველოში. Europcar Georgia-ს ბიზნესპროფილია ავტომობილების გაქირავება როგორც დღიურად, ისე საოპერაციო ლიზინგით გრძელვადიანი საჭიროებისთვის და ასევე სატრანსპორტო მომსახურება. Europcar თავის მომხმარებელს Auto Subscription-ის სერვისსაც სთავაზობს.

news banner
ნინო ჭანტურია ავტორი
LIVE

დღის ტოპ 10 სიახლე











სხვა სიახლეები

თეგეტა ბიზნესისთვის
image Toyota X Bridgestone - იაპონური პარტნიორობის სტანდარტი

22.08.2025.13:58

უსაფრთხოება, ინოვაციურობა და უმაღლესი ხარისხი – სწორედ ამ სამ პრინციპზეა დაფუძნებული ორი იაპონური გიგანტის Toyota-სა და Bridgestone-ის ღირებულებითი პლატფორმა. უკვე წლებია, Bridgestone Toyota-ს OEM (Original Equipment Manufacturer) მიმწოდებლის სტატუსს ინარჩუნებს, რაც ნიშნავს იმას, რომ მსოფლიოში ერთ-ერთი ყველაზე გაყიდვადი ბრენდის მოდელების უმრავლესობა Bridgestone-ის საბურავებით არის აღჭურვილი. სხვადასხვა კომპლექტაციის საბურავები ავტომობილებზე ქარხანაშივე მონტაჟდება. შედეგად, მძღოლი იღებს მანქანას, რომელიც მაქსიმალურად არის მორგებული კომფორტზე, ეფექტურობასა და უსაფრთხოებაზე.

Toyota-სა და Bridgestone-ის იაპონური პარტნიორობა საქართველოშიც გრძელდება. საბურავების მწარმოებელმა  ბრენდმა კავკასიის რეგიონში ბიზნესსაქმიანობა სწორედ „თეგეტასთან“ პარტნიორობით დაიწყო. Bridgestone-სა და „თეგეტა მოტორს“ შორის პირველი გარიგება 1998 წელს შედგა. დღეს უკვე  „თეგეტა მოტორსი“რეგიონში მსოფლიო ბრენდის ოფიციალური დისტრიბუტორია. რაც შეეხება Toyota-ს, „თეგეტა ჰოლდინგის“ ერთ-ერთ მიმართულებაში „თეგეტა ქარსში“ შემავალი კომპანია „ტოიოტა ცენტრი თეგეტა“ საქართველოს ბაზარზე  2014 წლიდან ოპერირებს.

დავით ჩხაიძე, „თეგეტა პრაიმ პროდაქტსის“ დირექტორი: Bridgestone-ის და Toyota-ს OEM თანამშრომლობა მომხმარებლისათვის უმაღლეს სტანდარტს ნიშნავს. უსაფრთხოებითა და გამძლეობით გამორჩეული Toyota-ს მოდელები Bridgetone-ის საბურავებით წარმოების პროცესშივე აღიჭურვება. ამ უპირატესობას ავტომობილის მფლობელი ყოველდღიურ მართვაში გრძნობს.  

სეზონური საბურავები სხვადასხვა კომპლექტაციით შესაბამის მოდელებს ერგება, იქნება ეს უგზოობისთვის განკუთვნილი მაღალი გამავლობის ავტომობილი თუ სედანი. ქართული ბაზრისთვის საკმაოდ კარგად ცნობილი და მოთხოვნადი მოდელების, RAV4, Corolla and Camry, Hilux, Land cruiser and Prado, უმრავლესობას Bridgestone-ის საბურავი აქვს. საბოლოოდ, მომხმარებელი იღებს ორმაგ გარანტიას – უმაღლესი ხარისხისა და უსაფრთხოების სტანდარტების დაცვას“.

Bridgestone, რომელიც მსოფლიოს მასშტაბით 120-ზე მეტი ქარხნისა და კვლევისა და განვითარების ობიექტის მფლობელია, წარმოებაში თანამედროვე მიღწევებს იყენებს. ხელოვნური ინტელექტის დახმარებით პროდუქციას,480 სხვადასხვა ხარისხობრივი პარამეტრით სწრაფად და სრული სიზუსტით აკონტროლებს. 

ინტელექტუალურ სისტემასთან ერთად, იყენებს NanoPro-Tech ტექნოლოგიას, რაც, ერთი მხრივ, საწვავის ეფექტიან მოხმარებას უწყობს ხელს და ამასთანავე, აუმჯობესებს მოჭიდებას, რაც პირდაპირ კავშირშია უსაფრთხოებასთან. კომპანია კვლევებზე წლიურად 800 მილიონ ევროს ხარჯავს. 

ლაბორატორიული სამუშაოები და უახლესი მიდგომები წარმოებაში პრიორიტეტულია Toyota-სთვისაც. კომპანიის წლიური ბიუჯეტიდან მილიონ დოლარზე მეტი სწორედ ამ მიმართულებით იხარჯება. ორ იაპონურ ბრენდს კიდევ ერთი საერთო აქვს, რაც გარემოს დაცვასა და მწვანე პროექტებს უკავშირდება. 

Bridgestone აქტიურად მუშაობს ეკომეგობრული ტექნოლოგიების დანერგვაზე საბურავების წარმოებაში და 2050 წლისთვის 100%-ით გადამუშავებადი მასალების გამოყენებას გეგმავს. Toyota კი ჰიბრიდული და ელექტრომობილების განვითარებით  მავნე კომპონენტების ემისიას ამცირებს. ამ თანამშრომლობის შედეგად მომხმარებელი იღებს არა მხოლოდ მაღალხარისხიან პროდუქტს, არამედ იმ ხედვის ნაწილიც ხდება, რომელიც მწვანე მომავლისკენ არის მიმართული.

Bridgestone კავკასიის რეგიონში წარმოდგენილია, როგორც კომფორტკლასის, სპორტული, ასევე SUV თუ სატვირთოსთვის განკუთვნილი საბურავებით. იაპონური ბრენდის უპირატესობები რეგიონში სრულად ხელმისაწვდომი „თეგეტა მოტორსმა“ გახადა.

დავით ჩხაიძე, „თეგეტა პრაიმ პროდაქტსის“ დირექტორი: „ჩვენ მომხმარებელს არაერთ ბენეფიტს ვთავაზობთ, მათ შორის არის უსასრულო გარანტია, რომელსაც მომხმარებელი Bridgestone-ის საბურავის შეძენისას იღებს. ნებისმიერი დაზიანების შემთხვევაში, იქნება ეს მექანიკური თუ ქარხნული წუნი, საბურავის ნარჩენი ღირებულება ანაზღაურდება.

ასევე ხაზგასასმელია ჩვენი შეთავაზება კორპორაციული მომხმარებლებისათვის. ეს არის PPK (Price-Per-Kilometer) სერვისი. ახალი მიდგომა ბიზნესის მეტი ეფექტიანობისთვის შეიქმნა. საბურავის ღირებულება ერთ კილომეტრზე გამოთვლით განისაზღვრება, რაც ნიშნავს, რომ ფასი ავტომობილის გარბენზე ნაწილდება. ეს კი, თავის მხრივ, ნათლად აჩვენებს, რომ პრემიუმ ხარისხის საბურავის გამოყენება, ერთი მხრივ, უსაფრთხოების გარანტია და ამასთანავე, ფინანსური რესურსის რაციონალურად გამოყენების წინაპირობაა“. 

საერთაშორისო გამოცდილებასა და გრძელვადიან პარტნიორობაზე დაფუძნებული თანამშრომლობა „თეგეტა მოტორსს“, Bridgestone-სა და Toyota-ს შორის ახალ ეკოსისტემას  ქმნის. შედეგად, მომხმარებელი  არა მხოლოდ პრემიუმ კლასის პროდუქტსა და სერვისს, არამედ უსაფრთხოების, ეფექტურობისა და ხარისხის ერთიან სტანდარტს იღებს, რომელიც თანამედროვე მოთხოვნებს სრულად შეესაბამება. 

 

თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.



 

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა