საქართველოში ბრუნვის მიხედვით ყველაზე დიდი ნაყინის მწარმოებელი კომპანია ცნობილია. (2022 წლის წინასწარი მონაცემები) 

საქსტატის მიერ Business Insider Georgia-თვის მიწოდებული ინფორმაციის თანახმად ბრუნვის მიხედვით შემდეგი TOP 5 ნაყინის მწაარმოებელი კომპანია გამოიკვეთა: 

• შპს ლიდერი XXI - ნაყინის ბრენდი „ლიდერი“ 
• შპს 4 ბროს -  ნაყინის ბრენდი „პინგო“
• შპს ჯი და ჯი ქოოფერეიშენ -  ნაყინის ბრენდი „ლუკა პოლარე“
• შპს აისი - ნაყინის ბრენდი „გურჯაანის ნაყინი“
• შპს ქართუ-უნივერსალი - ნაყინის ბრენდი „თოლია“

(ობიექტები არ არის დალაგებული რეიტინგის მიხედვით)

საჯარო რეესტრის მონაცემებით, შპს ლიდერი XXI 2006 წელს დაფუძნდა, კომპანიას ორი მფლობელი ჰყავს - ტარიელ კახიძე - 50% და დავით კაშია - 50%.

შპს 4 ბროს, რომელიც ნაყინის მწარმოებელთა TOP 5-შია, 2014 წელს დაფუძნდა. კომპანიას პარტნიორთა კრება მართავს, ხოლო საწარმოს გიორგი გელაშვილი ხელმძღვანელობს. 

შპს ჯი და ჯი ქოოფერეიშენ - 2008 წელს დაფუძნდა, კომპანიის 100%-ს სიმონ გროსი ფლობს, რომელიც გერმანიის მოქალაქეა. კომპანია ნაყინს „ლუკა პოლარეს“ ბრენდის ქვეშ ყიდის. 

შპს აისი 1998 წელს დაფუძნდა. კომპანიას 4 მესაკუთრე ჰყავს - გია ღვინიაშვილი - 20% ივანე გარსევანიშვილი -  20%, ჰამლეტი ყაზარაშვილი 20%; გურამი ბერიკაშვილი -40%. 

შპს ქართუ-უნივერსალი 1996 წელს დაფუძნდა. კომპანიას სამეთვალყურეო საბჭო მართავს:  თავმჯდომარე/წევრი: გიორგი თოფაძე, წევრი: გიორგი თედორაძე, წევრი: გიორგი ჭყონია, წევრი: გიორგი თოფაძე, წევრი: ლევან კავლელიშვილი,  წევრი: ირაკლი თოფაძე. კომპანიის დირექტორია - გიორგი ჭყონია.