საქართველოს ეროვნული ბანკის მონაცემებით, 2024 წლის თებერვალში ქვეყანაში შემოსული ფულადი გზავნილების ნაკადების მოცულობამ 272.3 მლნ აშშ დოლარი (723.2 მლნ ლარი) შეადგინა, რაც 26.9%-ით (100.0 მლნ აშშ დოლარით) ნაკლებია 2023 წლის თებერვლის ანალოგიურ მაჩვენებელზე.
უცხოეთიდან საქართველოში ფულადი გზავნილების 96.0% იმ 23 უმსხვილეს პარტნიორ ქვეყანაზე მოდის, საიდანაც გზავნილების მოცულობა თებერვალში თითოეულზე 1 მლნ აშშ დოლარს აღემატებოდა. იმავე 23 ქვეყანაზე გასული წლის თებერვალში მთელი ფულადი გზავნილების 97.0% მოდიოდა.
სტატისთიკის თანახმად, გამოიკვეთა 5 ქვეყანა, საიდანაც ფულადი გზავნილები საქართველოში 2024 წლის თებერვალში 2023 წლის თებერვალთან ყველაზე მეტად გაიზარდა.
ხუთეულში პირველია იორდანია, საიდანაც თებერვალში $1.62 მილიონი გადმოირიცხა, ზრდა წლიურ ჭრილში 423.70%-ია. მეორეა, ირლანდია - გადმოირიცხა $4.63 მილიონი, ზრდა 61.18%-ია. მესამეა უზბეკეთი, - გადმოირიცხა $1,55 მილიონი, ზრდა 60,01%-ია. წლიურ ჭრილში ფულადი გზავნილების ზრდის მოცულობიით მეოთხეა აშშ, საიდანაც თებერვალში $41.21 მილიონი გადმოირიცხა და ზრდამ 35.33% შეადგინა. მეხუთე ადგილს იკავებს პოლონეთი, საიდანაც $2.54 მილიონი გადმოირიცხა, ზრდა 29.87%-ია.
უახლესი
