სომხეთის ცენტრალურმა ბანკმა რეფინანსირების განაკვეთი 8,75%- მდე შეამცირა

სომხეთის ცენტრალურმა ბანკმა რეფინანსირების განაკვეთი 0,5 პროცენტული პუნქტით 8,75%- მდე შეამცირა. როგორც "არმენპრესი" იუწყება, ამის შესახებ განცხადება სომხეთის ცენტრალურმა ბანკმა გაავრცელა.

30 იანვარს გაიმართა სომხეთის ცენტრალური ბანკის საბჭოს სხდომა, რომელზეც გადაწყდა რეფინანსირების განაკვეთის შემცირება 0,5 პროცენტული პუნქტით და 8,75%-მდე განისაზღვრა.

ასევე სომხეთის რესპუბლიკის ცენტრალურმა ბანკმა დაადგინა სალომბარდო რეპოს საპროცენტო განაკვეთი 10,25%-ის ფარგლებში, ხოლო ცენტრალური ბანკის მიერ ბანკებიდან მოზიდული სახსრების საპროცენტო განაკვეთი 7,25%-ით განისაზღვრა.