SKA-მ პრაღაში პირველი ფილიალი გახსნა

პრაღაში ქართული ჯუს ბარი SKA-ს პირველი ფილიალი გაიხსნა.

მომხმარებლებს SKA-ს პროდუქტების დაგემოვნება უკვე პრაღაშიც შეუძლიათ. 

„სასიამოვნო სიახლე, ჩვენ ახლახანს გავაღეთ ჩვენი კარი ევროპის გულში“, - აცხადებენ კომპანიაში. 

ცნობისთვის, ქართული ჯუს ბარი SKA საქართველოს ბაზარზე 2019 წელს გამოჩნდა.

„პირველი დღიდან ჩვენი მიზანია, ქართველი მომხმარებლისთვის მაქსიმალურად ჯანსაღი, ნატურალური და ინოვაციური პროდუქტის და გამოცდილების შეთავაზება. ამ გზას ვაგრძელებთ, ახლა უკვე საქართველოს გარეთაც და არ ვჩერდებით, რომ ადგილობრივი მომხმარებელი მუდმივად გავაკვირვოთ და ვასიამოვნოთ“, - აცხადებენ კომპანიაში. 

„SKA-ს მთავარი მიზანია ჩვენს საზოგადოებაში დავამყაროთ ჯანსაღი, სწრაფი კვების კულტურა და გვინდა დავამსხვრიოთ სტერეოტიპი, რომ სწრაფი კვება აუცილებლად უნდა იყოს არაჯანსაღი,“ - ამბობს კომპანიის თანადამფუძნებელი ანა ტალახაძე.

მისი განცხადებით, კომპანიის კიდევ ერთი პრიორიტეტი ახალგაზრდებისთვის სამუშაო ადგილების შექმნა არის.