შავ ზღვაში წყალქვეშ, ღვინის მუზეუმისა და მარნის მოწყობა იგეგმება
შავ ზღვაში წყალქვეშა ღვინის მუზეუმის და მარნის მოწყობა იგეგმება. როგორც „ბიზნეს ინსაიდერ ჯორჯიას“ კომპანია „პოსეიდონის სამყაროს“ დირექტორმა და საქართველოს წყალქვეშა ცურვის ასოციაციის თავმჯდომარემ დავით ნიკოლეიშვილმა განუცხადა,
ღვინის კომპანია ამ პროექტის განხორციელებით უკვე დაინტერესებულია.
„ერთ-ერთი ღვინის კომპანია დაინტერესდა, ვმუშაობთ იმაზე, რომ ტერიტორია შევისყიდოთ, კანონი უკვე არის, რომლის მიხედვითაც ღია ზღვაში ტერიტორიის აღება შეგვეძლება. თუ კი ამ ტერიტორიას ავიღებთ, ღვინის კომპანია მზადაა, წყალქვეშა მუზეუმის გასახსნელად ინვესტიცია განახორციელოს.
ასევე საუბარია იმაზე, რომ წყალქვეშა მარანი გავხსნათ, რადგანაც წყალქვეშ ღვინო უფრო მალე ძველდება. აქ 1 წელი, იქ 3 წლიან დაძველებას უდრის. ეკიდება მოლუსკები. წარმოიდგინეთ, რომ წყალში დაძველებული ერთი ბოთლი ღვინო, ექსპერიმენტალურად, 500 ლარად გავყიდეთ“, - აცხადებს დავით ნიკოლეიშვილი.
„პოსეიდონის სამყაროს“ დირექტორი ამბობს, რომ ახალი კანონის მიხედვით, ზღვაში ტერიტორიის აღება ნაპირიდან 650 მეტრის დაშორებითაა შესაძლებელი, რაც საკმაოდ შორი მანძილია, მაშინ როდესაც ადრე, მაგალითად მიდიების ფერმის მოსაწყობად ტერიტორიის იჯარით გაცემა და ლიცენზირება ნაპირიდან 120 მეტრის ფარგლებში იყო შესაძლებელი.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
