სახელმწიფო სს „ხობის ნავთობპროდუქტის'' 50.89%-იან წილს ყიდის. 29 მაისს ჩანიშნულ აუქციონზე სსიპ „სახელმწიფო ქონების ეროვნული სააგენტო” „ხობის ნავთობპროდუქტის'' სახელმწიფოს საკუთრებაში არსებული 15 400 ცალ ჩვეულებრივი აქციის (სახელმწიფოს წილი კაპიტალში 50.89%) და ხობის მუნიციპალიტეტში, სოფელ ნოჯიხევში არსებული 37655.00 კვ.მ. არასასოფლო-სამეურნეო დანიშნულების მიწის ნაკვეთის გასხვისებას შეეცდება.
ლოტის საწყისი ღირებულება 249 997 ლარია.
სს „ხობის ნავთობპროდუქტის'' აქტივები (2022 წლის 31 დეკემბრის მდგომარეობით) 219 351 ლარი, ხოლო ვალდებულებები 187 681 ლარი. იმავდროულად, კომპანიის კაპიტალი (2022 წლის 31 დეკემბრის მდგომარეობით) შეადგენს 31 670 ლარს.
აღსანიშნავია ისიც, რომ კომპანიის მთელ ქონებაზე რეგისტრირებულია საგადასახადო გირავნიბა/იპოთეკის უფლება, საფუძველი: შეტყობინება N0782321, 28.12.2021, შემოსავლების სამსახური.
