რუსეთიდან ფულადი გადმორიცხვები მცირდება
რუსეთიდან გზავნილების მოცულობა მცირდება. 2023 წლის სტატისტიკის მიხედვით, წლის განმავლობაში რუსეთიდან 1,526,810.6 ათასი აშშ დოლარი ათასი დოლარი გამოირიცხა, ხოლო 2022 წელს კი 2,067,839.1 ათასი დოლარი. 2021 წლის სტატისტიკური მონაცემებით კი რუსეთიდან სულ 411 368,4 ათასი დოლარი იყო გადმორიცხული.
რაც შეეხება დეკემბრის მონაცემებს, 2023 წლის დეკემბერში რუსეთიდან საქართველოში 70,584.9 ათასი აშშ დოლარი გადმოირიცხა, 2023 წლის ნოემბერში კი 75,341.6 ათასი აშშ დოლარი.
სებ-ის ინფორმაციით, 2023 წლის დეკემბერში ქვეყანაში შემოსული ფულადი გზავნილების ნაკადების მოცულობამ 308.3 მლნ აშშ დოლარი (828.1 მლნ ლარი) შეადგინა, რაც 42.4%-ით (227.0 მლნ აშშ დოლარით) ნაკლებია 2022 წლის დეკემბერის ანალოგიურ მაჩვენებელზე.
უცხოეთიდან საქართველოში ფულადი გზავნილების 96.8% იმ 25 უმსხვილეს პარტნიორ ქვეყანაზე მოდის, საიდანაც გზავნილების მოცულობა დეკემბერში თითოეულზე 1 მლნ აშშ დოლარს აღემატებოდა. იმავე 25 ქვეყანაზე გასული წლის დეკემბერში მთელი ფულადი გზავნილების 97.4% მოდიოდა.
2023 წლის დეკემბერში საქართველოდან საზღვარგარეთ 34.0 მლნ აშშ დოლარი (91.4 მლნ ლარი) გადაიგზავნა, რაც 2022 წლის დეკემბერის (33.8 მლნ აშშ დოლარი) ანალოგიურ მაჩვენებელთან შედარებით 0.6%-ით მეტია.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
