რუსეთ-უკრაინის ომის ფონზე რა სავაჭრო ურთიერთობებია საქართველოსა და უკრაინას შორის

უკრაინაში საქართველოდან ექსპორტი 38%-იან კლებას, ხოლო იმპორტი ფაქტობრივად გასული წლის მაჩვენებლებზეა.

 საქსტატის მონაცემებით, 2023 წლის იანვარ-მაისში საქართველომ უკრაინაში 39,873.20 ათასი დოლარის ღირებულების პროდუქცია გადაზიდა, 2022 წლის ანალოგიურ პერიოდში კი 64,531.07 ათასი დოლარის.

ბოლო წლების სტატისტიკით უკრაინაში ექსპორტიც და იმპორტის ზრდის ტრენდზე იყო, თუმცა 2022 წლის თებერვალში დაწყებულმა რუსეთ-უკრაინის ომმა სავაჭრო ბრუნვა შეამცირა. 

2022 წლის სტატისტიკით, უკრაინაში ექსპორტმა 232,077.93 ათასი დოლარი შეადგინა, რაც 24.5%-ით ნაკლებია 2021 წლის მაჩვენებლებზე.  2021 წელს საქართველომ უკრაინაში 307,435.71 ათასი დოლარის პროდუქცია შეიტანა. 

2023 წლის მიმდინარე სტატისტიკით საქართველოდან უკრაინაში ნომერ პირველი საექსპორტო პროდუქცია ეთილის სპირტია.

რას ყიდის საქართველო უკრაინაში ტოპ-5 პროდუქტი

• ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 10,437.78 ათასი დოლარი;
• მსუბუქი ავტომობილები - 5,245.84 ათასი დოლარი;
• ყურძნის ნატურალური ღვინოები - 4,996.13 ათასი დოლარი;
• მინერალური და მტკნარი წყლები - 4,640.72 ათასი დოლარი;
•  ნავთობი და ნავთობპროდუქტები - 3,361.12 ათასი დოლარი;

რაც შეეხება იმპორტს, 2023 წლის იანვარ-მაისში საქართველომ უკრაინიდან 111,196.59 ათასი დოლარის პროდუქცია შემოიტანა, 2022 წლის ანალოგიურ პერიოდში კი 111,213.01 ათასი დოლარი, შესაბამისად მიმდინარე წლის 5 თვეში იმპორტი გასული წლის იანვარ-მაისთან შედარებით 0.01%-იან კლებას აჩვენებს.

2022 წელს უკრაინამ საქართველოში 285,984.19 ათასი დოლარის პროდუქციის იმპორტი განახორციელა, 2021 წელს კი 451,826.78 ათასი დოლარის. შესაბამისად კლებამ 36%-ი შეადგინა.

რას ყიდულობს საქართველო უკრაინიდან ტოპ-5 პროდუქტი

• მსუბუქი ავტომობილები - 24,687.38 ათასი დოლარი;
• კოპტონი და სხვა მყარი ნარჩენები, მიღებული სოიოს ზეთის ექსტრაჰირებისას - 4,806.56  ათასი დოლარი;
• პური, ფქვილოვანი საკონდიტრო ნაწარმი, შაქარლამა, ნამცხვარი და სხვა პურფუნთუშეული - 3,642.43  ათასი დოლარი;
• სამკურნალო საშუალებები დაფასოებული - 3,389.52  ათასი დოლარი;
• საცობები, ხუფები და სახურავები - 3,111.00  ათასი დოლარი;