2024 წლის პირველი ნახევრის მდგომარეობით სათამაშო ბიზნესის მოსაკრებელი 11%-იან ზრდას აჩვენებს როგორც სახელმწიფო ხაზინის მიერ გამოქვეყნებული მაჩვენებლებიდან ხდება ცნობილი, 2024 წლის იანვარ-ივლისში ბიუჯეტში სათამაშო ბიზნესის მოსაკრებლის სახით სულ 76,687,031.32 ლარი შევიდა, 2023 წლის ანალოგიურ პერიოდში კი 69,062,593.42. ზრდა 7624,443.9 ლარია.

საგულისხმოა, რომ ბოლო წლების სტატისტიკით ბიუჯეტში სათამაშო ბიზნესის მოსაკრებლიდან შესული თანხების მოცულობა მზარდია;

2023 წელი - 141,171,147.25 ლარი,

2022 წელი - 114,392,795.66 ლარი,

2021 წელი - 78,406,677.35 ლარი.

ირკვევა, რომ მიმდინარე სტატისტიკით, სათამაშო ბიზნესის სახეობებიდან  ბიუჯეტში ყველაზე მეტი შემოსავალი სათამაშო აპარატებიდან შედის. სწორედ სათამაშო აპარატებიდან შესულ თანხაზე მოდის სათამაშო ბიზნესის მოსაკრებლის 44%-ი. 

2024 წლის 6 თვეში ბიუჯეტში სათამაშო ბიზნესიდან შესული თანხების მოცულობა, სათამაშო ბიზნესის სახეობების მიხედვით:

• სათამაშო აპარატებიდან - 33,439,975.00 ლარი,
• სხვა არაკლასიფიცირებული სათამაშო ბიზნესის მოსაკრებელი - 31,731,124.86 ლარი,
• სამორინეს მაგიდიდან - 30,420,666.60 ლარი,
• სისტემურ-ელექტრონული ფორმის თამაშობიდან - 8,324,933.40 ლარი,
• წამახალისებელი გათამაშებიდან - 3,190,989.06 ლარი,
• კლუბის მაგიდიდან - 1,219,847.00 ლარი,
• აზარტული ან/და მომგებიანი თამაშობის მოწყობის ნებართვით ორგანიზებული ობიექტის გარეთ განთავსებული, სისტემურ-ელექტრონული ფორმით მოწყობილი აზარტული ან/და მომგებიანი თამაშობის სალარო - 80,009.00 ლარი,
• სხვა დანარჩენი არაკლასიფიცირებული სათამაშო ბიზნესის მოსაკრებელი - 10,602.26 ლარი,
• ტოტალიზატორის, ბინგოს, ლოტოს სალაროებიდან - 9.00 ლარი.