როგორია ავიაკომპანია Myway Airlines-ის გეგმები და როდიდან აღადგენს სამგზავრო გადაზიდვებს

მალე ავიაკომპანია Myway Airlines-ი სამგზავრო Boeing 777-ს მიიღებს და ჩარტერული, სამგზავრო რეისების შესრულებას შეუდგებაა. როგორც Business Insider Georgia-სთან ავიაკომპანიის დირექტორი რატი ბაკურაძე აცხადებს, ახალ ბორტს Myway Airlines-ი რამდენიმე დღეში მიიღებს და რომელიმე პროგრამის ფარგლებში დაასაქმებს. 

„გავუშვებთ რაიმე ჩარტერულ პროგრამაზე, რათა გამოცდილება მივიღოთ და გადავამზადოთ თანამშრომლები. პარალელურად დავიწყებთ მეორე ბორტზე მუშაობას“, - აღნიშნა კომპანიის ხელმძღვანელმა.

როგორც ცნობილია რეგულარული ფრენების დასაწყებად ავიაკომპანიის ფლოტში მინიმუმ 2 საჰაერო ხომალდი უნდა ირიცხებოდეს.

ირკვევა, რომ Myway Airlines-ი  Boeing 777-ის „დასაქმებისთვის“ რამდენიმე ვარიანტს უკვე განიხილავს. 

Boeing 777, რომელსაც Myway Airlines-ი მიიღებს 2003 წლის მოდელია და ხომალდი 312 მგზავრზეა გათვლილი, საიდანაც 28 სავარძელი ბიზნეს კლასია. თვითმფრინავი არის შორმაგისტრალური, რაც იმას ნიშნავს, რომ მას შორ დისტანციებზე უწყვეტი ფრენების განხორციელება შეუძლია. 

აღნიშნულ საჰაერო ხომალდს მგზავრებთან ერთად 12-15 ტონა ტვირთის ტრანსპორტირებაც შეგიძლია. ავიაკომპანიის მიერ ოპერირებად სატვირთო თვითმფრინავით კი 17 ტონამდე ტვირთის გადაზიდვაა შესაძლებელი.

რატი ბაკურაძის განმარტებით, აღნიშნული სატვირთო ხომალდი სხვადასხვა მიმართულებებითაა დაკავებული და რეისებს ასრულებს როგორც ახლო აღმოსავლეთის ისე იაპონიის მიმართულებით. თუმცა საჰაერო ხომალდის ტექნიკური მახასიათებლებიდან გამომდინარე, საბოლოო დანიშნულების წერტილს ხომალდი რამდენიმე ტექნიკური დაშვების შემდეგ აღწევს. 

აღსანიშნავია, რომ პანდემიამდე ავიაკომპანია ასრულებდა როგორც ჩარტერულ ისე რეგულარულ რეისებს. პანდემიის პერიოდში კი სარეპატრიაციო ფრენებშიც იყო ჩართული. კომპანია საკუთარ ბორტებს სველი ლიზინიგითაც გასცემდა. 

პანდემიის შემდეგ კი ავიაკომპანია ძირითადად სატვირთო გადაზიდვებზე იყო ორიენტირებული, თუმცა გასულ წელს სუდანში განვითარებულ მოვლენებს Myway Airlines-ის ორი ხომალდი შეეწირა.

​Myway Airlines-ს  ექსპლუატანტის სერტიფიკატი (AOC) და გადაყვანა-გადაზიდვის მოწმობა (OL) 2018 წლის დასაწყისში მიენიჭა და მისი ავიაპარკი Boeing 737-800  ტიპის ორი სამგზავრო და Boeing 737-700 ტიპის სატვირთო თვითმფრინავს აერთიანებდა.

2022 წელს კი მარეგულირებელმა ავიაკომპანია Myway Airlines-ს საჰაერო ხომალდის ექსპლუატანტის სერტიფიკატი (AOC) შეუჩერა, რისი მიზეზიც არაგეგმური აუდიტის შედეგად გამოვლენილი ნაკლოვანებები გახდა. ავიაკომპანიამ gcaa-ს გადაწყვეტილება სასამართლოში გაასაჩივრა და სასამართლოს მიერ საბოლოო გადაწყვეტილების მიღებამდე ავიაკომპანიის ფრენები დროებით აღდგენილ