ესპანეთიდან იმპორტი 7%-იან ზრდას, ხოლო ექსპორტი 62%-იან კლებას აჩვენებს. საქსტატის ინფორმაციით, 2024 წლის იანვარ-ოქტომბერში საქართველომ ესპანეთიდან 180,951.88 დოლარის პროდუქცია იყიდა, 2023 წლის ანალოგიურ პერიოდში კი 168,437.28 ათასი დოლარის. შესაბამისად ზრდა 7.4%-ია. მიმდინარე წლის მაჩვენებლებით, ესპანეთიდან ნომერ პირველი საიმპორტო პროდუქტი კერამიკული მოსაპირკეთებელი ფილებია, რომელზეც ამ ქვეყნიდან იმპორტის 9,2%-ი მოდის. 

TOP 5 პროდუქტი, რასაც საქართველო ესპანეთიდან ყიდულობს:

• მოსაპირკეთებელი ფილები კერამიკული, მოუჭიქურებელი - 16,812.12 ათასი დოლარი;
• კოსტუმები, კომპლექტები, კომბინეზონები, ბრიჯები და შორტები, ქალისა ან გოგონასი - 13,870.47 ათასი დოლარი;
• სამკურნალო საშუალებები დაფასოებული - 7,745.85 ათასი დოლარი;
•  სვიტერები, პულოვერები და ტრიკოტაჟის ანალოგიური ნაწარმი, ნაქსოვი - 7,293.00 ათასი დოლარი;
• კოსტუმები, კომპლექტები და სხვა მამაკაცისა ან ბიჭისა - 4,773.55 ათასი დოლარი.

რაც შეეხება საქართველოდან ესპანეთში ექსპორტს კლება სოლიდურია და ის 61.9%-ის დონეზეა. სტატისტიკური მაჩვენებლების თანახმად, 2024 წლის იანვარ-ოქტომბერში საქართველომ ესპანეთში 28,352.64 ათასი დოლარის პროდუქცია გაყიდა, 2023 წლის ანალოგიურ პერიოდში კი 74,511.15 ათასი დოლარია. საქართველოდან ესპანეთში ნომერ პირველი საექსპორტო პროდუქტი თხილი და კაკალია.

TOP 5 პროდუქტი, რაც საქართველომ ესპანეთში გაყიდა:

• თხილი და სხვა კაკალი - 11,723.19 ათასი დოლარი;
• სასუქები მინერალური ან ქიმიური, აზოტოვანი - 6,220.83 ათასი დოლარი;
• ფეროშენადნობები - 5,366.90 ათასი დოლარი;
• ელექტრული წყალგამახურებლები - 1,368.40 ათასი დოლარი;
• ტყვია დაუმუშავებელი - 594.74 ათასი დოლარი.