სებ-ის დღევანდელი გადაწყვეტილებით მონეტარული პოლიტიკის განაკვეთი დარჩა უცვლელი და ვფიქრობ, აღნიშნულის უმთავრესი ნაწილი იყო რეგიონში არსებული გაზრდილი რისკები, - ამის შესახებ საბანკო ასოციაციის პრეზიდენტმა ალექსანდრე ძნელაძემ სებ-ის მიერ მონეტარული პოლიტიკის განაკვეთის უცვლელად დატოვების შეფასებისას განაცხადა. ამასთან, მისი თქმით, ყველა ფაქტორი - იქნება ეს ინფლაციის მაჩვენებელი თუ სხვა რისკები, რომელიც დღის წესრიგში დგას, არის სტაბილური და დაბალი. „აქედან გამომდინარე, ყველა მაჩვენებელი იძლეოდა იმის საშუალებას, რომ ვთქვათ კიდევ შემცირებულიყო მონეტარული პოლიტიკის განაკვეთი. თუმცა, გაზრდლია გარკვეული რისკები რეგიონში და უკანასკნელი პერიოდის მერყეობები იძლევა იმის წინაპირობას, რომ დღეს სებ-მა თავი შეიკავა რეალურად მონეტარული პოლიტიკის ცვლილებისგან. და პრინციპში თვითონვე ახსენეს ის მაჩვენებლები სადეპოზიტო პორტფელის ზრდა, და ყველა სხვა მაკროეკონომიკური მაჩვენებლის გაუმჯობესების ნაწილი, რაზეც კიდევ ერთხელ გაესვა ხაზი, რომ აღნიშნული მონეტარული პოლიტიკის მკაცრ დონეზე შენარჩუნება მხოლოდ და მხოლოდ იმისი წინაპირობაა, რომ რეგიონში რისკები არის და რჩება მაღალი. აქედან გამომდინარე მნიშვნელოვანია, რომ უფრო მეტი სიფრთხილე გამოიჩინოს ეროვნულმა ბანკმა“, - აღნიშნა ალექსანდრე ძნელაძემ. მისივე თქმით, სებ-მა ამ გადაწყვეტილებით მეტი სიფრთხილე გამოიჩინა, რადგან წინა პერიოდში ამცირებდა.