რამდენია საპენსიო აქტივების წმინდა ღირებულება და როგორაა მისი პორტფელური გადანაწილება
საპენსიო სააგენტო აგვისტოს ყოველთვიურ საინვესტიციო ანგარიშს აქვეყნებს თითოეული საინვესტიციო პორტფელის მიხედვით.
როგორც სააგენტოში განმარტავენ, 7 აგვისტოს, „დაგროვებითი პენსიის შესახებ“ კანონის შესაბამისად, განხორციელდა დაგროვილი საპენსიო აქტივების რეალოკაცია სამ განსხვავებულ რისკიანობისა და მოსალოდნელი შემოსავლიანობის მქონე საინვესტიციო პორტფელში: კონსერვატიული, დაბალანსებული და დინამიური.
2023 წლის აგვისტოს ანგარიშის მიხედვით:
დინამიური პორტფელის ზომა 2,940 მლნ ლარია და იგი 914,200 მონაწილეს მოიცავს. აგვისტოს თვის წმინდა ამონაგებმა 0.66% შეადგინა, რაც ლარებში გამოხატული 29 მილიონი ლარია.
დაბალანსებული პორტფელის ზომა 582 მლნ ლარია და იგი 197,106 მონაწილეს მოიცავს. აგვისტოს თვის წმინდა ამონაგებმა 0.64% შეადგინა, რაც ლარებში გამოხატული 3 მილიონი ლარია.
კონსერვატიული, პორტფელის ზომა 329 მლნ ლარია და იგი 150,386 მონაწილეს მოიცავს. აგვისტოს თვის წმინდა ამონაგებმა 0.04% შეადგინა, რაც ლარებში გამოხატული 2 მილიონი ლარია.
2023 წლის 31 აგვისტოს მდგომარეობით, ჯამურმა საპენსიო აქტივების წმინდა ღირებულებამ 3.85 მლრდ ლარი შეადგინა. აქედან, საინვესტიციო საქმიანობის შედეგად მიღებული წმინდა ამონაგები 686 მილიონი ლარია.
დღის ტოპ 10 სიახლე
საქართველოს ბანკის მხარდაჭერით, სამშენებლო მასალების საერთაშორისო გამოფენა Caucasus Build გაიმართება
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
