რამდენია ბათუმში დღიურად ბინის დაქირავების ფასი
ზაფხულის ტურისტულ სეზონზე ბათუმში დღიურად ბინების გაქირავება მეტად აქტუალური ხდება.
binebi.ge-ზე განთავსებული განცხადებების მიხედვით ირკვევა, რომ ბათუმში დღიურად გასაქირავებელი ბინების ფასი 50 ლარიდან იწყება.
როგორც „ბიზნეს ინსაიდერს“ კომპანია Ruebush Group-ში განუცხადეს, რომელიც უძრავი ქონების გაქირავებითაა დაკავებული, ბათუმში დღიურად გასაქირავებელი ბინების ფასი მიმდინარე წლის ტურისტულ სეზონზე 15-20%-ითაა გაძვირებული. ხოლო რაც შეეხება ქირის ფასებს, დღიურად გასაქირავებელი ბინების საშუალო ფასი 25-30 დოლარია, თუმცა ფასი ბევრ ფაქტორზეა დამოკიდებული: ფართის ზომის, კომფორტულობისა და მდებარეობის გარდა, ფასი დამოკიდებულია სტუმრების შეფასებებზე, რადგანაც თუ ბინას მაღალი შეფასება აქვს მათზე მოთხოვნაც არის.
Ruebush Group-ის მაგალითზე ძირითადი კლიენტები უცხო ქვეყნების მოქალაქეები არიან.
ცხადია ფასი დამოკიდებულია განთავსების ობიექტის ადგილმდებარეობაზე, ფართზე და მის კომფორტულობაზე. საიტის მიხედვით ბათუმში დღიურად გასაქირავებელი ბინების უმეტესობის ქირის ღირებულება 80 ლარია. აღსანიშნავია, რომ, 2023 წელს აჭარა 4 მლნ-ზე მეტ ვიზიტორ ელოდება. აჭარის მთავრობის მეთაურის განმარტებით, 2023 წლის პირველ კვარტალთან შედარებით საერთაშორისო ვიზიტორების რაოდენობა აჭარაში გაორმაგებულია. შესაბამისად ტურიზმიდან და მოგზაურობიდან მიღებული შემოსავლები გაზრდილია 102%- ით.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
