ბაქო-თბილისი-ჯეიჰანის (BTC) მილსადენმა ოპერირების დაწყებიდან 2024 წლის პირველი ნახევრის ჩათვლით ჯამში 4.3 მილიარდზე მეტი ბარელი ნედლი ნავთობი გაატარა (576 ტონაზე მეტი). BP-ის ინფორმაციით, საანგარიშო პერიოდში 5707 ტანკერი დაიტვირთა და გაიგზავნა მსოფლიო ბაზრებზე, ხოლო თავად 1768კმ სიგრძის მილსადენმა ფუნქციონირება 2006 წლის ივნისიდან დაიწყო.

როგორც BP-ის ანგარიშში წერია, 2024 წლის პირველ ნახევარში, დაახლოებით 110 მილიონი ბარელი (14 მილიონ ტონაზე მეტი) BTC-ის მიერ ექპორტირებული ნედლი ნავთობი ჯეიჰანის ტერმინალზე 150 ტანკერში ჩაიტვირთა. BTC ამჟამად ძირითადად აზერბაიჯანიდან ACG-ის ნედლი ნავთობის და შაჰდენიზის კონდენსატის ტრანსპორტირებას ახორციელებს. BTC-ის საშუალებით ასევე გრძელდება კასპიის რეგიონის ნედლი ნავთობის და კონდენსატის (ყაზახეთიდან, თურქმენეთიდან და სოკარის არა აზერი-ჩირაგ-გუნეშლის სადადოს მოცულობებიდან) სხვა მოცულობების ტრანსპორტირება

ბაქო-თბილისი-ჯეიჰანის კომპანიის (BTC Co.) აქციონერები არიან: bp (30.10%), SOCAR (25.00%), MOL (8.90%), Equinor (8.71%), TPAO (6.53%), Eni (5.00%), TotalEnergies (5.00%), ITOCHU (3.40%), INPEX (2.50%), ExxonMobil (2.50%) and ONGCVidesh (2.36%).

„2024 წლის პირველი ნახევრის განმავლობაში, BTC-ს საქმიანობის ფარგლებში ჩვენი საოპერაციო დანახარჯი დაახლოებით 70.5 მილიონ აშშ დოლარი იყო და კაპიტალური დანახარჯი კი 17.7 მილიონ აშშ დოლარი“, - აცხადებენ  BP-ში.