პარიზი პირველი ევროპული დედაქალაქია, სადაც ელექტრო სკუტერები აიკრძალა
1-ელი სექტემბრიდან პარიზი გახდება პირველი ევროპული დედაქალაქი, სადაც ელექტრო სკუტერების დაქირავება აიკრძალება.
ამის შესახებ EuroWeekly News იუწყება.
გამოცემა წერს, რომ აგვისტოს ბოლომდე პარიზის ქუჩებიდან დაახლოებით 15 ათასი ელექტრო სკუტერი უნდა გაქრეს.
შესაბამისი გადაწყვეტილება ელექტრო სკუტერების გამოყენების შესახებ საქალაქო რეფერენდუმის შემდეგ მიიღეს. ელექტრო სკუტერების აკრძალვის კენჭისყრაში მონაწილეობა მიიღო 100 000-ზე მეტმა პარიზელმა, რომლებიც რეგისტრირებულ ამომრჩეველთა მხოლოდ 7,46%-ს წარმოადგენენ. დაახლოებით 90% იყო აკრძალვის მომხრე.
აკრძალვის მიზეზი იყო პრობლემები, რომლებიც დაკავშირებულია ქალაქში მიმოფანტულ სკუტერებთან, ასევე შეშფოთება მათი მომხმარებლების უსაფრთხოებასთან დაკავშირებით.
აკრძალვა შეეხება მხოლოდ ელექტრო სკუტერების გაქირავების სერვისებს. მანქანების გაქირავების სერვისი საფრანგეთის დეადქალაქში ძალაში რჩება.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
