ოქროზე დეკემბრის კონტრაქტების კოტირება ნიუ-იორკის Comex-ის ბირჟაზე გუშინ (ტროას უნციაზე) 0,22%-ით, 1938,5 დოლარამდე გაიზარდა.
ბოლო ხუთი სესიის განმავლობაში ოქრო 3.4%-ით გაძვირდა ახლო აღმოსავლეთში დაძაბულობის ესკალაციის ფონზე.
„ოქროს ფასმა შეიძლება 2024 წელს ყველა დროის მაქსიმუმს მიაღწიოს, რადგან დოლარი სუსტდება და ფედერალური სარეზერვო ბანკი ამცირებს საპროცენტო განაკვეთებს“,- ამბობს ჯონ რიდი, მსოფლიო ოქროს საბჭოს (WGC) ბაზრის მთავარი სტრატეგი.
