„ნადი ჯგუფმა“ დაახლოებით 90 ტონა ლოკოკინა იტალიისა და თურქეთის ბაზრებზე შეიტანა
ლოკოკინების ფერმის მფლობელმა და მწარმოებელმა „ნადი ჯგუფმა“ პროდუქციის ექსპორტი დაიწყო და დაახლოებით 90 ტონა ლოკოკინა იტალიისა და თურქეთის ბაზრებზე გადაზიდა.
როგორც Business Insider Georgia-სთან კომპანიის დამფუძნებელმა მერაბ ნადარაიამ განაცხადა,
„ექსპორტი აპრილიდან დავიწყეთ და დღეისათვის 90 ტონა ლოკოკინას პროდუქცია გვაქვს ექსპორტზე გატანილი. გეტყვით, რომ საერთაშორისო ბაზრებზე ლოკოკინებზე მოთხოვნა საკმაოდ მაღალია“, - ამბობს მერაბ ნადარაია.
მისივე განმარტებით, „ნადი ჯგუფი“ ადგილობრივ ბაზარზე აქტიურად თანამშრომლობს ჰორეკა სექტორთან, სადაც ლოკოკინებზე მოთხოვნა თანდათან იზრდება.
„ადგილობრივ ბაზარზე მოთხოვნა გაზრდილია და პროდუქციას რესტორნების ვაწვდით“, - ამბობს ნადარაია.
წლის განმავლობაში ლოკოკინების მოსავლის აღება ორჯერ გაზაფხულზე და შემოდგმაზე ხდება, ხოლო კომპანია ექსპორტზე მორიგი პარტიის გაშვებას უკვე ნოემბრიდან ვარაუდობს.
რაც შეეხება ექსპორტს, „ნადი ჯგუფი“ იტალიასა და თურქეთში ყიდის როგორც ლოკოკინას ფილეს, ისე მთლიან ლოკოკინას (ნიჟარით).
მერაბ ნადარაიას თქმით, 1 ტონა ლოკოკინადან ფილეს გამოსავლიანობა მხოლოდ 20%-ია, მაგრამ მიუხედავად ამ რაოდენობისა მოგების მხრივ კომპანიისთვის უფრო ხელსაყრელი ლოკოკინას ფილეს ექსპორტია.
შპს „ნადი ჯგუფი“ 2018 წელს, იტალიური კომპანია ჩერასკოს მოლუსკების საერთაშორისო ინსტიტუტთან თანამშრომლობით, დაფუძნდა.
დღის ტოპ 10 სიახლე
რა გავლენა იქონია ტრამპის სატარიფო პოლიტიკამ ქართული კომპანიების აქციებზე - ლაშა ქავთარაძის შეფასება
მზად ვართ ბიზნეს ვესაუბროთ შეღავათებზე, რომ ექსპორტის წილი კიდევ უფრო გაიზარდოს - შოთა ბერეკაშვილი
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
