მიმოქცევაში არსებული საგადახდო სადებეტო  ბარათების რაოდენობა რეკორდულ მაჩვენებლებზეა

მიმოქცევაში არსებული საგადახდო სადებეტო  ბარათების რაოდენობა რეკორდულ მაჩვენებლებზეა. 2025 წლის იანვრის სტატისტიკით მათი რაოდენობა 9 068 790 ბარათს აღწევს, რაც წინა თვესთან შედარებით 0,7%-იანი ზრდაა, ხოლო 2024 წლის იანვრის მაჩვენებლებთან 9,7%-იანი ზრდა.

სებ-ის მონაცემების მიხედვით, 2025 იანვრის ბოლოსთვის ბოლოსთვის ბაზარზე აქტიური 9 068 790   ერთეული სადებეტო ბარათი იყო, მაშინ როდესაც ერთი წლით ადრე მათ რაოდენობა 8 270 300   ბარათს შეადგენდა, ხოლო ერთი თვით ადრე 9 003 952 სადებეტო ბარათი.

საქართველოში სადებეტო ბარათების მხრივ კვლავ Mastercard-ი ლიდერობს. 2025 წლის იანვრის ბოლოსთვის არსებული საგადახდო სადებეტო ბარათებიდან 4 729 473  ერთეული სწორედ Mastercard-ზე მოდის.

Mastercard-ის ბარათების მიმდინარე მონაცემები კი დეკემბრის მაჩვენებლებთან მაჩვენებლებთან შედარებით 1,7%-იან, ხოლო 2024 წლის იანვართან შედარებით 12,6%-იან ზრდას აჩვენებს..

იანვრის სტატისტიკის მიხედვით, აქტიური სადებეტო ბარათებიდან 52%-ს Mastercard-ი ფლობს, 29%-ს VISA, AMEX კი 15%-ის მფლობელია. 

2025 წლის იანვრის ბოლოსთვის მიმოქცევაში VISA-ს აქტიური 2 590 822 ბარათი იყო. კლება წინა თვესთან შედარებით 1%-ია, ხოლო 2024 წლის იანვართან შედარებით 2%-ითაა გაზრდილი.

რაც შეეხება  AMEX-ს, იანვრისთვის მისი სადებეტო ბარათების რაოდენობა 1 328 167 ერთეული იყო, რაც თვიურ ჭრილში 1,4%-იან ზრდას, ხოლო წლიურ ჭრილში 25,9%-იანი ზრდაა.